Անցյալ շաբաթ հեռանալով Էփլ ընկերության գործադիր տնօրենի պաշտոնից` Ստիվ Ջոբսը բացատրեց, որ այլևս չի կարող բավարարել այդ պաշտոնի պահանջները: Հայտնի է, որ Ջոբսը բուժվել է ենթաստամոքսային գեղձի քաղցկեղից, որը Միացյալ Նահանգներում քաղցկեղի հետ կապված մահացության թիվ չորրորդ պատճառն է: Ուռուցքաբաններն ասում են, որ ենթաստամոքսային գեղձի քաղցկեղը դժվար է բուժել, քանի որ այն դժվար է ախտորոշել: Օրգանը գտնվում է որովայնի խոռոչի խորքում, ուստի ախտանիշերն ակնհայտ են դառնում հիվանդության ուշ շրջանում:
