اكلمات : رزين الثلابي.
توزيع :اسلام فاروق.
تسجيل ومكس : محمود عبدالعظيم.
اداء: محمد العميشي.
تصميم : هيثم الخضيري.
#رفيحي
الكلمات:

الا يا دموعي لا تطيحين
تراكي تراكي و استريحي

عليك الله انك تستريحين
واذا طاح قرص الشمس طيحي

على اللي سرا بين الشرايين
يغني حيم ليحي ياليحي

يحسب الضلوع العوج صفين
لعب بينها لعب الرفيحي

صغيرٍ عطاه الله من الزين
وش الريم عنده والوضيحي

وسيع العيون ام الهلالين
وكحلٍ طبيعي ما يسيحي

على مثلة تساق الملايين
لو انه يبا ثروة فتيحي

صحيح الهواويه شقيين
وراع الهوا حظه شحيحي

مثبت شقاهم فالصحيحين
صحيح ابن زيدون وصحيحي

يهفهف على نفسه ببيتين
ليا اونس لها مثل الفحيحي

ويومي بيده يسار ويمين
مواما صلوات المسيحي

يقولون يمكن صابته عين
وهي عين مرديته طريحي

ورمشين تاصل للحجاجين
هدبها يساعدها فسيحي

ما يحتاج راقي يا هل الدين
يبا الراقيه طب الجريحي

يروح ويجي ما يندرا وين
مراح الشرار من القديحي

ولا ينعذل يا عاذله لين
يكور المطر فوق الصفيحي

свернуть