Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ дод, ки дар як шабонарӯзи охир 24 шаҳрванди Ҷумҳурии Тоҷикистон аз коронавирус сироят ёфтаанд ва ҳамоно тибқи иттилои ин манбаъ рӯзҳои наздик дар ҷумҳурӣ касе аз ин беморӣ вафот накардааст.
Бояд гуфт, ки пас аз пайдо шудани сару садоҳо дар шабакаҳои иҷтимоӣ билохира рӯзи 21 июн Ситоди ҷумҳуриявӣ оид ба пурзӯр намудани чораҳои зиддиэпидемиявӣ ва пешгирӣ аз интиқолу паҳншавии бемории сироятии коронавирус дар Ҷумҳурии Тоҷикистон аз ҷой доштани ҳолатҳои сироятёбии шаҳрвандони мамлакат ба бемории коронавирус иттилоъ дод.
Дар маҷмӯъ, аз 30 апрели соли 2020 то 1 июли соли 2021 дар кишвар 13 523 нафар гирифторони сирояти коронавирус ба қайд гирифта шуда, аз ин шумора то санаи зикргардида 13 318 нафар шифо ёфтаанд ва бар асари бемории мазкур 90 нафар фавтидаанд.
