БІЗДІҢ YOUTUBE АРНАҒА ТІРКЕЛІҢІЗ: [ Ссылка ]
---------------------------------------------
Батыс Қазақстан облысында киіктің мүйізін сатып 7 жылға сотталған тұрғындардың туыстары сот шешімімен келіспейді. Айтуларынша жақындары броконьер емес. Тіпті олардың дала жануарын аулағаны да дәлелденбеген. Соның өзінде судьялар тым ауыр, әрі әділетсіз жаза тағайындады деп отыр. Сондықтан шағымданушылар істі қайта қарап, жазаны жеңілдетуді талап етеді. Естеріңізде болса, бұған дейін мәжіліс депутаты Абзал Құспан киік мүйізін сатумен және тасымалдаумен айналысқан азаматтар заңсыз сотталып жатыр деп бас прокурорға сауал жолдаған еді.
Бұл, киік мүйізін тасымалдады, сақтады деп айыпталып, ақыры ұзақ жылдарға қамалған азаматтардың туыстары. Жиналғандар сот үкіміне үзілді-кесілді қарсы. Айтуларынша сотталушылардың кейбірі далада жатқан мүйіздерді жинап, сатумен айналысқан. Ал енді бірі мүйіздерді көлігімен тасып жүргенде ұсталған. Бірақ судьялар мұны ескерместен, дала жануарын қырды деген айыппен ауыр жаза кесті дейді.
ЮРИЙ КАУИСОВ, сотталушының туысы:
- Менің інім далада өліп жатқан киіктердің мүйізін жинаған. Содан соң оны сатумен айналысқан. Бірақ сот оған киіктерді заңсыз аулаған адамдармен бірдей жаза тағайындады. Қараңыз, мысалы адам киіктің мүйізін тасып, не сақтаса, жануарды аулаған болып есептелмейді ғой.
Одан қалды сотталушылар мемлекетке келтірілген миллиардтаған теңге шығынды төлеуге міндеттелген. Ал киік мүйізін сатумен не тасымалдаумен айналысқандар, мұндай жұмысқа екі қолға бір күрек таппай жүрген соң барған дейді жақындары. Енді оларға түрме жазасынан бөлек, қыруар қаражатты төлеуге міндеттеу ақылға қонымсыз деп ашынады шағымданушылар.
МЕРУЕРТ ДӘУКЕНОВА, сотталушының анасы:
- Менің балам былтыр шофер болып, досына такси болып сонымен Ақтөбе қаласында ұсталды. Ол киіктің мүйізін де, киікті де аулаған бала емес. Енді 339-баппен миллиард іліп отыр мойнына. Жеті ұрпағы төлей алмайтын миллиардты қалай төлейді? Олардың болашағына балта шабылып отыр ғой былай қарағанда.
Сондай-ақ, киік мүйізін тасымалдаумен айналысып, жаппай жаза арқалап жатқандардың мәселесі мәжіліс депутаттарын да толғандырып отыр. Бұған дейін депутат Абзал Құспан осындай айыппен түрмеге қамалған жүздеген жан әділетсіз отыр деп есептеп, Бас прокурорға сауал жолдаған болатын.
АБЗАЛ ҚҰСПАН, ҚР ПАРЛАМЕНТІ МӘЖІЛІСІНІҢ ДЕПУТАТЫ:
- Әдетте бір киіктің құны шамамен 2,5 млн теңге. Ал тергеу органдары мен сот адамды киікті өлтіру арқылы табиғатқа аса ірі мөлшерде зиян келтіргені үшін соттайды. Ал ол киіктің өлу себебі өз ажалынан ба, табиғи апатты жағдайлар ма, басқа қарулы адамдар тобы атып өлтірді ме тергеу де, сот та анықтамайды. Соттың да, үкіметтің де әрекеттерінде заң былай тұрсын, ешқандай логика жоқ.
Мәжілісмен сотталған азаматтардың ісін қайта қарап, егжей-тегжейлі талдау жүргізу керек дейді. Айтуынша түрмеде отырған жандардың бір де бірінің киікті аулап, табиғатқа зиян келтіргені дәлелденбеген. Ал сотталушылардың жақындары бұған дейін әділдік іздеп Жоғары сотқа да барған. Бірақ нәтиже жоқ деп ашынады. Жұрттың жанайқайына байланысты Батыс Қазақстан облысының сотына ресми сауал жолдадық. Жауабын алдағы шығарылымдарда беретін боламыз.
---------------------------------------------
Теңдессіз жобамызға көз салыңыз: [ Ссылка ]
Бишімбаев ісі - [ Ссылка ]
Су тасқыны бойынша барлық ақпарат - [ Ссылка ]
Жұмбақ өлімдер - [ Ссылка ]
Біз барлық әлеуметтік желідеміз, тіркеліңіз:
Информбюро 31 [ Ссылка ]
Informburo kz [ Ссылка ]
Facebook - [ Ссылка ]
Instagram - [ Ссылка ]
WhatApp - [ Ссылка ]
TikTok - [ Ссылка ]
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық
Ещё видео!