Tubonye umushyitsi mwiza utunyuze,
Cyo nimuvune sambwe dusanganire,
Musasanure ibikubwe n'inkomo,
Maze inkindi mukenyere mwizihirwe.
Umva Ishya
Ry'abadahinyuka.
Umva amasonga aseka,
Umva abana b'u Rwanda.
Umukinduzacumu nabanze imbere,
Rusizanabahiga amukulikire,
Rwihalirabilindiro na we ateho,
Maze turore gahunda ko igororotse.
Umva Ishya
Ry'abadahinyuka.
Umva amasonga aseka,
Umva abana b'u Rwanda.
Ab'icyeza dusingiza mwegerane,
Mwunamure intambi mutamilize,
Mwambare ibyanganga Masimbi aseka,
Nimugalika uruhanga duhanike tuti:
Umva Ishya
Ry'abadahinyuka.
Umva amasonga aseka,
Umva abana b'u Rwanda.
Abadasumbwa na Rwamucyo ntibasigare,
Abadasumbanya ingendo ntibasigana,
Nimurangurure amajwi mwanamize,
Ababakunda dukumbuye n'uwo mulya.
Umva Ishya
Ry'abadahinyuka.
Umva amasonga aseka,
Umva abana b'u Rwanda.
Uwatamuye inzobe n'Umuhonganseko,
Dore Umushingwankiko arabahamagara,
Ngo Igikubwe cy'igikundiro arabasize,
Igitego cy'ingaru arabalindiliye.
Umva Ishya
Ry'abadahinyuka.
Umva amasonga aseka,
Umva abana b'u Rwanda.
Uwo impundu zisekera cyo sizana,
Hamwe n'Umuzigarwimo duteze urwera,
Nimucunde izo nzogera mwagagaze,
Maze numve Igikaka aho yinikiza.
Umva Ishya
Ry'abadahinyuka.
Umva amasonga aseka,
Umva abana b'u Rwanda.
Inyamibwa itemba inyonga na Tetero
Uwizihirwa nkaberwa na Rwagiliza,
Rwigimbantambara n'Indoha
N'Imfizi idahindwa nimwikamate.
Umva Ishya
Ry'abadahinyuka.
Umva amasonga aseka,
Umva abana b'u Rwanda.
Rusizana aho zesa arahamagaye
Ngo aze Rugolirwera babangikane.
Ubwo impalirwa zikeye zihuje igicu
Abo twaje dusanga nibizihirwe.
Umva Ishya
Ry'abadahinyuka.
Umva amasonga aseka,
Umva abana b'u Rwanda.
Kwitwa izina ryiza ntube Imena
Uba uhemukiye uriguhamagara
Uko bukeye ujye wunguka wunguruze
N'amahanga ajye akumva akazakugaya.
Umva Ishya
Ry'abadahinyuka.
Umva amasonga aseka,
Umva abana b'u Rwanda.
"Ishya", Sipriyani RUGAMBA & Ballet Amasimbi n'Amakombe, Rwanda
