Համացանցում տարածվել է տեսանյութ, թե ինչպես են ոստիկանության աշխատակիցները Երևանի Հանրապետության հրապարակում փորձում կանգնեցնել արծաթագույն ամենագնացի վարորդին:

Ավտոմեքենան նախ Կառավարության շենքի մայթեզր բարձրացավ, հետո թեքվեց դեպի Արտգործնախարարության նախկին շենք: Այդ ընթացքում Ոստիկանության աշխատակիցներին չէր հաջողվում կանգնեցել մեքենան, կադրում կրակոցների ձայներ էին լսվում:

Նույն օգտատիրոջ տարածած հաջորդ տեսանյութում ոստիկաններն արդեն կանգնեցրել են մեքենան:

Կեսգիշերից քիչ անց Ոստիկանության լրատվական վարչությունից «Ազատությանը» տրամադրեցին հետևյալ հաղորդագրությունը.

«Փետրվարի 10-ին՝ ժամը 23-ի սահմաններում, Երևանի կենտրոնում «Համեր» մակնիշի մեքենայի վարորդը կոպիտ կերպով խախտել է ճանապարհային երթևեկության կանոնները, չի ենթարկվել պարեկների օրինական պահանջներին, մեքենան վարել է ոստիկանների և քաղաքացիների ուղղությամբ, նրանց կյանքի և առողջության համար վտանգավոր գործողություններ կատարել:

Մեքենայի ընթացքը կանգնեցնելու նպատակով գործադրվել է հրազեն անվադողերի ուղղությամբ: Ճշտվել է վարորդի ինքնությունը, ձեռնարկվում են համապատասխան միջոցառումներ: Կտրվի լրացուցիչ տեղեկատվություն»:

Մեր ուղիղ հեռարձակումները դիտեք այստեղ՝ [ Ссылка ]

Ազատություն TV-ին հետևեք նաև Ucom-ի 222, Rostelecom-ի 18 և TeamTV-ի 3-րդ ալիքներով

🔶 Facebook – [ Ссылка ]
🔶 Youtube – [ Ссылка ]
🔶 Instagram – [ Ссылка ]
🔶 Twitter – [ Ссылка ]
🔶 Telegram – [ Ссылка ]

свернуть