Policia e Shtetit ka nisur verifikimin e kamerave të sigurisë që dyshohet se janë instaluar dhe përdoren nga grupet kriminale.
Tv Klan u interesua pranë uniformave blu, ku mësoi se pas Shkodrës strukturat e policisë po verifikojnë kamerat në të gjithë qytetet e vendit ku ka indicie se janë vendosur pa lejen e autoriteteve.
Vlora ka qenë qarku i radhës, ku është shtrirë ky operacion.
Burime nga uniformat blu bëjnë me dije se prej mëngjesit të kësaj të enjte në qytetin bregdetar janë duke u verifikuar dhjetëra kamera, disa prej të cilave janë bllokuar.
Aksioni i ndërmarrë vjen një ditë pasi në qytetin e Shkodrës, u çmontuan 38 kamera që dyshohet se ishin instaluar nga grupet kriminale në lagjet “Guerrile”, “Salo Halili” dhe “Kongresi i Përmetit”.
Për gjetjen e personave që i kishin vendosur ato në këto zona, në polici janë shoqëruar disa persona por dëshmitë e tyre nuk kanë ndihmuar hetuesit. Identifikimi i personave të cilët kanë vendosur këto kamera është një mision tejet i vështirë për policinë, pasi komandimi i tyre bëhej përmes celularit.
Sipas uniformave blu qëllim I instalimit të këtyre kamerave ishte sigurimi i informacioneve për qëllime kriminale, si dhe për të monitoruar lëvizjet e Policisë.
Tv Klan
#kamera #policia #shkoder #vlore
SUBSCRIBE to “RTV KLAN” on YouTube for more videos!
Email: info@tvklan.al
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
![](https://s2.save4k.ru/pic/wCnWoDyIzfY/mqdefault.jpg)