Drejtoritë vendore të policisë urdhërohen të nisin zbatimin në terren, zbulohen porositë

Para nisjes së sezonit të kultivimit të kanabisit, Drejtoria e Përgjithshme e Policisë së Shtetit ka hartuar një plan operacional me qëllim parandalimin e këtij fenomeni. Gjatë ditëve të fundit janë urdhëruar drejtoritë vendore të nisin punën për zbulimin e vendeve ku mbillet farat në kubikë. Kontrollet janë urdhëruar të kryhen në ambientet të mbyllura dhe të hapura, konkretisht në sera dhe mini-sera, magazina dhe objekte, ish-objekte ushtarake, banesa të braktisura, stane apo stalla bagëtish.

Për realizimin e planit operacionale në rang kombëtar janë të angazhuar kryejnë veprime mbi 1800 efektivë policie të drejtorive vendore dhe të kufirit, të ndarë në rreth 400 grupe kontrolli. Në dispozicion të tyre janë vënë kamera, dylbi, dronë, rreth 300 automjete policie si dhe mjete lundruese. Një prej udhëzimeve të Drejtorisë së Policisë është dhe kontrolli i gjitha vendeve të cilësuara me risk, apo vendet ku vitet e kaluara është tentuar të kultivohet kanabis.

Në këtë fazë fillestare të planit operacional, strukturat e policisë janë duke kryer takime me qëllim bashkëpunimin dhe me institucione të tjera që do të ndihmojnë në parandalimin e kultivimit të kanabisit. Një prej kërkesave më të rëndësishme është të bashkëpunohet dhe me OSHEE-në për të konstatuar lidhjet e paligjshme të energjisë, që kryesisht përdoren për kultivimin e bimëve narkotike në kushte laboratorike.

SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web [ Ссылка ]
Follow Klan News on Facebook: [ Ссылка ]
Follow @klannews on Instagram: [ Ссылка ]
#KlanNews #KlanNewsLajme #TvKlan

свернуть