Thlarau Thiang rianṭuannak (The Role Of Holy Spirit) kong Bible in biaruahnak a si. Nihin ah fian kan i harhmi a si i, kan pial bik nak zawn zong a si. Kan buaipi bik cio mi zong a si fawn. A ruang bik cu nihin hi Thlarau Thiang chan a si caah a si. Liberal tu cu zeitluk in an dinfel zongah khamhnak an co lo caah Thlarau laksawng an co lo i buai awk a um lo lawlaw. Annih caah cun Bible kan zumhnak hrampi kong pawl lawng an buaipi tawn. A hlei in Pentecostal pawl hi an buai bik. A piangthar mi an tampi ṭung, zawndomh pin Bible an kalpi zungzal caah an pial zungzal nak a si. Temporary gifts pawl hi nihin tiang zong a um rih tiah an zumh ṭung, pek le an si fawn lo caah anmah tein heh tiah tuah an i zuam. Pentecostal cu 1901 ah rak thawk mi a si nain 1950 hnu hrawng lawng in an hun movement chommi a si caah a buai khunnak a si. Mah le ṭanhmi hi fian lo zongah a hmaan tiah dirpi cio a si. A ruang mi kan hip khawhnak kan ṭhawnnak bik a si caah a si. A biapit tuk caah ngaih khawh rak i zuam ve.
Rev. Hoi Cung Tum hi Grace Baptist Church, Hakha a dirka in Church Pastor a ttuanmi a si i, tu hi kum 13 hrawng a ttuan hnu ah Senior Pastor in aa dinh lio a si. A ttuan chungah Bawipa nih thluah a chuah hna i, member tampi an karh. Chin Baptist Convention, Hakha zong a dir i, Khrihfa bu tampi an i komh. An ngan ngaingai te lai tiah rak zumh mi an si. Seven Ones Private sianginn zong a tuah. Hlan deuh ah Bible sianginn zong a rak thok. Ramkip ah mirang holh in siseh, Lai holh in siseh Bawipa nih a ram caah a hman taktak mi Biblical Preacher a si. Bible sianginn a dihka in Christ For Every Creature Ministry a tuah. Bawipa nih Thlarau tlau tlaitu le Pathian Bia kilvengtu ah a hman ngaingai mi a si. Bawipa nih hmailei zong a hman lai tiah kan zumh. Bawipa nih a hman caah mi tampi nih Bible kan pemh i, piantharnak zong kan hmu. Tu hi Bible a leh lio a si. Kum 3-5 kar ahcun kan rel khawh cang lai tiah kan zumh. Tuhnu kum 5-10 ahcun International Speaker tiang in Bawipa nih a hman lai tiah kan zumh. A nupi cu Pi Tracy a si i, fanu pathum le fapa pahnih Bawipa nih thlua a chuah hna. A thawngtha ngaitu nih thla za cam piak zungzal hna usih.
Video Credit: Grace Baptist Church, Hakha
