Shpërthimet janë pjesë e përditshme në zonën kufitare mes libanit dhe izraelit. Ndërsa lufta në gaza vazhdon, ekziston frika se mund të shpërthejë edhe një luftë tjetër në Lindjen e Mesme - me pasoja shkatërrimtare për rajonin dhe më gjerë. Izraeli dhe grupi i armatosur libanez Hezbollah (i mbështetur nga Irani) kanë shkëmbyer zjarr përtej kufirit për nëntë muajt e fundit. Nëse ky konflikt përshkallëzohet në luftë gjithëpërfshirëse, ai mund të zbehë shkatërrimin në Gaza, të tërheqë milicitë e mbështetura nga Irani në Irak dhe Jemen, të përhapë zjarr në Lindjen e Mesme dhe të përfshijë ndoshta edhe SHBA-në. Vetë Irani mund të ndërhyjë drejtpërdrejt. Kombet e Bashkuara kanë paralajmëruar ndërkohë për një "katastrofë përtej imagjinatës". Tani për tani, një luftë e nivelit të ulët zien në vapën e verës, përgjatë një kufiri prej 120 km. Një shkëndijë këtu mund të ndezë Lindjen e Mesme.
Më 8 tetor të vitit të kaluar - një ditë pasi Hamasi doli nga Gaza dhe vrau rreth 1200 izraelitë si edhe mori peng 251 të tjerë - Hezbollahu përveshi mëngët, duke qëlluar nga Libani në Izrael. Grupi i armatosur islamik shiit tha se po vepronte në mbështetje të Gazës. Menjëherë, Izraeli u kundërpërgjigj. Hezbollahu, që është gjithashtu një parti politike, është forca më e fuqishme në Liban. Ashtu si Hamasi, ajo është klasifikuar si organizatë terroriste nga shumë vende, duke përfshirë Britaninë e Madhe dhe SHBA. Por ndryshe nga Hamasi, Hezbollahu ka fuqinë e zjarrit për të kërcënuar seriozisht Izraelin. Besohet se grupi ka një arsenal prej më shumë se 150,000 raketash të afta për të shkaktuar dëme të mëdha.
E thënë thjesht Hezbollahu, që në anglisht përkthehet Partia e Zotit, ka më shumë armë se shumë shtete të tjera. Mbështetësi i tij, Irani - i cili mohon të drejtën e Izraelit për të ekzistuar - është i lumtur të trajnojë dhe financojë armiqtë e shtetit hebre. Konflikti është ndezur, me mijëra sulme ndërkufitare. Disa vende tashmë u kanë kërkuar shtetasve të tyre që të largohen urgjentisht nga Libani, duke përfshirë Gjermaninë, Holandën, Kanadanë dhe Arabinë Saudite. Mbretëria e Bashkuar ka këshilluar kundër çdo udhëtimi në vend dhe po u bën thirrje britanikëve që janë atje të largohen, ndërsa ende munden.
Pamje:AFP
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews# Izrael#Hezbollah
![](https://s2.save4k.ru/pic/wMvLC3jKw5M/maxresdefault.jpg)