തിരുവനന്തപുരം റെയിൽവേ സ്റ്റേഷന് സമീപത്തെ ആമയിഴഞ്ചാൻ തോട് വൃത്തിയാക്കുന്നതിനിടെ കാണാതായ ശുചീകരണ തൊഴിലാളിയുടെ ശരീര ഭാഗം ടണലിന് 10 മീറ്റർ ഉള്ളിലായി റോബോട്ടിക് ക്യാമറയിൽ കണ്ടെത്തിയതായി സൂചന.
ഇന്ന് രാവിലെ 7 മണിയോടെയാണ് തൊഴിലാളിക്ക് വേണ്ടിയുള്ള തെരച്ചിൽ പുനരാരംഭിച്ചത്.
മാലിന്യം നീക്കം ചെയ്യാൻ കൂടുതൽ റോബോട്ടുകളെ എത്തിച്ചിരുന്നു.
മുങ്ങൽ വിദഗ്ദ്ധരടക്കമുള്ള 30 അംഗ എൻ ഡി ആർ എഫ് സംഘമാണ് രക്ഷാദൌത്യം ഏറ്റെടുത്തത്.
ഫയർഫോഴ്സും സ്കൂബ ടീമും രക്ഷാ പ്രവർത്തനത്തിനുണ്ട്.
റെയിൽവേ സ്റ്റേഷന്റെ മൂന്നാം പ്ലാറ്റ് ഫോമിലെ മാൻ ഹോൾ വഴി തിരച്ചിൽ നടത്താൻ സാധിക്കാത്തതിനാൽ ഒന്നാം പ്ലാറ്റ് ഫോമിലെ ടണലിൽ ഇറങ്ങിയാണ് തിരച്ചിൽ.
മാലിന്യക്കൂമ്പാരമാണ് രക്ഷാപ്രവർത്തനത്തിന് വെല്ലുവിളിയായത്.
അതിനിടെ രക്ഷാപ്രവര്‍ത്തനം നടത്തുന്നവര്‍ക്ക് അടിയന്തര വൈദ്യസഹായം എത്തിക്കുന്നതിന് പ്രത്യേക മെഡിക്കല്‍ സംഘത്തെ മന്ത്രി വീണാ ജോര്‍ജിന്റെ നിര്‍ദേശാനുസരണം നിയോഗിച്ചു.
രക്ഷാ പ്രവർത്തനത്തിനിടെ എന്തെങ്കിലും ബുദ്ധിമുട്ട് നേരിട്ടാൽ വിദഗ്ദ്ധ ചികിത്സ ഉറപ്പാക്കാൻ തിരുവനന്തപുരം മെഡിക്കൽ കോളേജിലെ എമർജൻസി വിഭാഗത്തിൽ പ്രത്യേക ക്രമീകരണം ഏർപ്പെടുത്തിയിട്ടുണ്ട്.
ഐ സി യു സംവിധാനം ഉൾപ്പെടെയുള്ളവ പ്രത്യേകമായി ക്രമീകരിച്ച് എമർജൻസി റെഡ് സോൺ സജ്ജമാക്കിയിട്ടുണ്ട്.
ഓക്‌സിജന്‍ സപ്പോര്‍ട്ട്, ബേസിക് ലൈഫ് സപ്പോര്‍ട്ട് തുടങ്ങിയ സംവിധാനങ്ങളുള്ള ആംബുലന്‍സുകളും സജ്ജമാക്കും.
വെള്ളത്തിലിറങ്ങുന്നവര്‍ക്ക് ഡോക്‌സിസൈക്ലിന്‍ ഉള്‍പ്പെടെയുള്ള പ്രതിരോധ മരുന്നുകളും നല്‍കും.
മാരായമുട്ടം സ്വദേശിയായ ജോയ് എന്നയാളെ ഇന്നലെ രാവിലെയാണ് ആമയിഴഞ്ചാൻ തോട്ടിൽ ശൂചീകരണ പ്രവർത്തനത്തിനിടെ കാണാതായത്.
DD Malayalam News is the News Wing of DD Malayalam.
Broadcasting in regional language.Terrestrial cum satellite News Channel of India's Public Service Broadcaster.
🔴 🔔Subscribe Us On: [ Ссылка ]
Follow us on:
🔗Twitter: [ Ссылка ]
🔗Facebook: [ Ссылка ]
