Кеше Мемлекет басшысы Нұрсұлтан Назарбаевтың Қырғыз Республикасындағы сапары басталды. Сапар барысында Президент Шолпан-Ата қаласында өтетін түркітілдес мемлекеттердің ынтымақтастық кеңесінің алтыншы саммитіне қатыспақшы. Саммит алдында Нұрсұлтан Назарбаев қырғыз басшысы Сооронбай Жээнбековпен кездесті. Күні кеше ғана Тәуелсіздік мерекесін тойлаған бауырлас халыққа тыныштық пен тұрақтылық, бақ-береке тіледі. Қос елдің арасында ажырамас ағайындық байланыс барын айтты. Екі елдің ортақ жол картасы қабылданғанын, үкіметаралық комиссияның тиімді жұмыс істеп жатқанына тоқталды. Сондай-ақ, осы сапары аясында Елбасы Ыстықкөл жағалауында өтіп жатқан үшінші дүниежүзілік көшпенділер ойындарының ашылу рәсіміне де қатысты.
