Për 1 milionë qytetarë të kategorive të ndryshme qeveria ka vendosur të lëvrojë një fond prej 8 miliardë Lekësh, si mbështetje për inflacionin e shkaktuar nga kriza e çmimeve.
Vetë kryeministri që jep lajmin pa dhënë shumë detaje shkruan në një postim se kategoritë përfituese nga ajo që ai e quan Pakon e Madhe do të jetë nga pensionistët deri tek punonjësit e administratës.
“Qeveria po mbyll Pakon e Madhe në mbështetje të 1 milionë individëve, për të lehtësuar ndjeshëm daljen e familjeve shqiptare nga ky dimër i ngarkuar, duke zeruar efektin e inflacionit të luftës mbi konsumin bazë për pensionistët, familjet në ndihmë ekonomike, posaçërisht nënat kryefamiljare në skemën e ndihmës ekonomike, paraplegjikët, tetraplegjikët, personat me aftësi të kufizuara, invalidët e punës, po edhe për punonjësit e shtetit – duke dhënë më shumë për ata që fitojnë më pak, por pa lënë askënd pa mbështetje”.
Vetë kryeministri, pasi askush tjetër brenda Këshillit të Ministrave të pyetur nga Tv Klan nuk di të japin informacione mbi këtë paketë, thotë se ajo të jetë gati brenda ditës së sotme dhe do të shpërndahet në ditët e para të Janarit. Rama e gjen me vend të krahasohet me qeveritë paraardhëse për shifrat e mbështetjes financiare kur vendi përballet me emergjenca dhe kriza.
“Kjo është qeveria e shumicës, jo e disave dhe faktet e shifrat thonë se volumi i mbështetjes financiare të atyre që fitojnë më pak apo të shtresave në nevojë, në vitet e qeverisjes sonë (pa llogaritur fondet masive të Rindërtimit pas tërmetit apo të Luftës me pandeminë) është disafish më i lartë se sa në tërë qeveritë e mëparshme të marra së bashku”.
Nisma që pritet të detajohet nga vetë kryeministri në konferencën e tij të fundvitit, duket si paketa e tretë mbështetëse për inflacionin e luftës, pas dy të tillave të miratuara në Prill dhe në Shtator të këtij viti.
Tv Klan
#edirama
SUBSCRIBE to “RTV KLAN” on YouTube for more videos!
Email: info@tvklan.al
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
