تويتر / @ABDULAZIZ_ALBAD
تك توك /@ abdulaziz_albadi
15 # محاورة {وتضحك بسنك مير عندك خبر ثاني} بين الشاعرين { عبدالعزيز البادي ** أحمد الناصر الشايع }
الأبيات :
عبدالعزيز البادي
سلامي بردّهـ توفي الكيل والميزان
وِتخْلِصْ بنود الحق مع كل ديّاني
نبي نرسم الخطَّه ونَرْكِزْ بها النيشان
وراعى الهدف يلعب على كل علماني
أحمد الناصر
هلا مرحبا ترحيب شفقان بالشفقان
وكلٍ بشانه ياهَلَ العرف يشتاني
أبا الشاعر اللي بالشدايد وسيع بطان
ولا ابغيه في بعض السواليف ينساني
عبدالعزيز البادي
سرى الليل والليله يجرّ العوا السرحان
وِوِرْق الحمام البارحه جَرّ الالحاني
أنا سامعٍ سِيْرَات لمطير والعجمان
وإلى قلت لك هرجه فخلِّك توحّاني
أحمد الناصر
أنا ياعرب مانيب رَيِّضْ ولا عجلان
دخلت المدينه لاجل شغلي وغرضاني
أنا لازمي معروف والقصر له بيبان
وابَرْقَى المنارهـ هالسنه واذّن إذّاني
عبدالعزيز البادي
أجل يا طويل العمر لا شَبَّتْ النيران
نبي ناخذ الوارد بحجَّه وبرهاني
وش اللازم اللي باديٍ لك مع العربان
لعلِّك على فعل السبب ما تناساني
أحمد الناصر
لو العِرْف يا اهْلَ العِرْف يشرى من الدِكَّان
لك الله ما تلقى من الناس غلطاني
وأنا جيت أدُوُر الحرب والمسلمين إخوان
نبا حرب ما يِـثِّر بخاتم سليماني
عبدالعزيز البادي
وتجرى الهبايب والهبايب تثير أمزان
لَكَنْ هالسنه ما رَبَّعَتْ كل الأوطاني
جِرِيْرَتْك فالميدان يالشاعر الفنَّان
فَيَا ربما ربحٍ يجي زود خسراني
أحمد الناصر
تورِّيني الصحبه وأظنِّك من العدوان
وأنا عارفٍ صِدْقَان جَدِّي وعدواني
وأنا عارفٍ نفسي وليَّه ضلوع متان
وأنا ما ألتجي لفلان وفلان وفلاني
عبدالعزيز البادي
وأشوفك تهرِّجني وِتَكْرُب لي الحجّان
وتضحك بسنِّك مير عندك خبر ثاني
وأنا خايفٍ من عَثْرَةْ الغَوْج بالميدان
على ساعةٍ ما به عَوَانِي وضَمَّانِي
أحمد الناصر
أنا ما عليّه كان زان الزمان وشان
وأنا دون حلقي تبعد القوم ذرعاني
ترى كل عُودٍ ياعرب به يجي دَخَّان
وحنّا نجازي راعَى الإحسان باحساني
عبدالعزيز البادي
يجيك السبب معكوس يامقضِّب الشِّلاَّن
وبقعا تِبَيِّنْ غيبها أشكال وألواني
تغيَّر عليك العلم واختلفت الأزمان
حجيج السنه ما بين هندي وسوداني
أحمد الناصر
ظهر دَلْو لا فاضي ولا أقول له مليان
وأنا مفتكر فالدلو ما هوب ملياني
ولا يِزِّي الـمَزْرَعْ ولا يِزِّي الظميان
لعلّي ما ازورهـ تالي الليل ظمياني
Ещё видео!