Ndarja e prindërve kur Naimja ishte vetëm 6 vjeçe ishte vetëm nisja e vështirësive për të. Në fillim gjithçka shkonte mirë nën përkujdesjen e të atit derisa 7 muaj pas divorcit, vendosi të martohej me një grua tjetër. Në rrëfimin e Naimes në “Ka Një Mesazh Për Ty”, marrëdhënia me njerkën e saj ka s fjalë kyçe dhunën. Veprime çnjerëzore ndaj saj dhe vëllait më të vogël të Naimes të cilët frika i pengonte të mos i tregonin asgjë babait. Këtë histori të patreguar, Naimja e ndan në programin “E diela shqiptare” në Tv Klan.
Naime: Pas 7 muajsh vendosi të martohet me një grua. Në fakt, që atëherë, mendova se jeta mori fund, s’kishte më jetë për ne.
Ardit Gjebrea: Pse Naime?
Naime: S’e di, ajo nuk sillej mirë me ne, por kishim edhe dhunë psikologjike, fizike. Nuk na donte.
Ardit Gjebrea: Ju rrihte?
Naime: Çdo herë. Më shumë unë sepse vëllai ishte më i vogël dhe mundohesha të merrja fajet, më vinte keq se ishte më i vogël.
Ardit Gjebrea: Po çfarë fajesh duhej të merrje përsipër që të të rrihte ajo?
Naime: Nuk e di, thjesht fajësonte mamin që s’na kishte marrë, pse na kishte lënë aty. Mua nuk më dashur asnjëherë, gjithmonë më ka urryer, më shihte si armike, si shkaktare, asnjëherë s’më ka dashur.
Ardit Gjebrea: Por kur babi shkonte dhe punonte, çfarë bënte ajo?
Naime: Babi nuk ka ditur asnjëherë pjesën se çfarë na bënte ajo në shtëpi sepse nuk na shihte.
Ardit Gjebrea: Por pse nuk i tregoje babit?
Naime: Nuk i tregoja babit sepse nesër kur ikte përsëri në punë, ne kishim më shumë dhunë sesa…ishte çdo gjë më keq, ndaj vendosëm që më mirë të mos tregojmë asgjë sesa të bëhej diçka më e madhe.
Ardit Gjebrea: Po si sillej ajo me ju në sy të babit?
Naime: Në sy të babit sillej pak më ndryshe, bënte sikur na donte, por në fakt s’na donte fare, na ka urryer gjithmonë. Babi shihte disa pjesë, por ndonjëherë reflektonte, ndonjëherë jo.
Ardit Gjebrea: Ju ushqente, kujdesej për ushqimin tuaj, si ju trajtonte për të ngrënë?
Naime: Derisa u rrita unë, pastaj kujdesesha më shumë unë. Më detyronte të punoja në disa raste. Në shtëpi kujdesesha unë për punët sepse ndonjëherë punonte ajo. Ndonjëherë i fshihte lekët vetëm që babi të sillej keq, të më dhunonte mua.
Ardit Gjebrea: Të mendonte që i merrje ti lekët? Pra ajo i fshihte lekët e babit që të mendonte që i merrje ti lekët dhe fillonte druri.
Naime: Fillonte dhuna, pas një kohe që mbaroja gjithë gjëja, dilnin lekët ose nuk i nxirrte fare ndonjëherë.
#EDielaShqiptare nga #ArditGjebrea prej vitit 2008 në #TvKlan, programi më popullor në të gjitha familjet shqiptare çdo të dielë. Një program i cili përfshin një fashë orari maratonë, prej 6 orësh transmetim.
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tvklan mund t’i ndiqni edhe në faqen [ Ссылка ]
![](https://s2.save4k.ru/pic/wc75KvkniF8/mqdefault.jpg)