Gəncə şəhər Baş Polis İdarəsinin rəisi general-mayor Rasim Musayev vəzifəsindən azad edilib. Hadisə ötən axşam baş verib. DİN mətbuat xidmətinin əməkdaşı Elsan Zahidov Moderator.az-a məlumat verərək Gəncə Şəhər Baş Polis İdarəsinin rəisi general-mayor Rasim Musayevin işdən azad olunması ilə bağlı xəbəri təsdiqləyib. Onun sözlərinə görə Gəncənin polis rəisi öz raportu əsasında işdən çıxarılıb. Elsan Zahidov onu da deyib ki, R. Musayev daxili işlər naziri Ramil Usubova yazdığı raportda vəzifəsinin alınmasını xahiş edib. Nazir polis rəisinin raportuna müsbət cavab verib. Rasim Musayevin səlahiyyətlərinin icrası Gəncə şəhər Baş Polis İdarəsinin rəis müavini Anar Əkbərova tapşırılıb.
O da ehtimal olunur ki, polis general-mayoru Rasim Musayev daha yüksək vəzifəyə təyin olunacaq. Güman ki, onun Daxili İşlər Nazirliyində nazir müavini postuna yaxın bir vəzifəyə təyinatı olacaq.
Qeyd edək ki, Rasim Musayev 2007-ci ilin noyabrında Gəncə şəhər Polis İdarəsinin rəisi təyin edilib. 2011-ci ildə prezident İlham Əliyevin sərəncamı ilə Azərbaycan Daxili İşlər Nazirliyinin zabiti Musayev Rasim İslam oğlu polis general-mayoru ali xüsusi rütbəsi ilə təltif edilib. Elə həmin vaxt Gəncə şəhər Polis İdarəsi Baş Polis İdarəsinə çevrilib.
Rasim Musayev əvvəllər Binəqədi Rayon Polis İdarəsi rəisinin I müavini, DİN-in İctimai Təhlükəsizlik İdarəsinin şöbə rəisi vəzifələrində çalışıb. Daha sonra Sabunçu Polis İdarəsinin 15-ci bölməsinə rəhbərlik edən polis zabiti 2005-2007-ci illərdə Cəlilabad rayon Polis İdarəsinin rəisi olub.

Website: [ Ссылка ]
Facebook: [ Ссылка ]
Twitter: [ Ссылка ]
Click & Subscribe to the main youtube Channel:
[ Ссылка ]
© KANAL13 [ Azərbaycanın ilk peşəkar internet televiziyası ]

свернуть