Lənkəranda 11-ci sinif şagirdləri avtomobil qəzasının qurbanı oldular
Lənkəranda günorta saatlarında iki nəfərin ölümü ilə nəticələnən qəza baş verib. Hadisə Ələt-Astara magitralının Liman şəhəri ərazisindən keçən hissəsində qeydə alınıb. Belə ki, “Mercedes” markalı avtomobil yüksək sürətlə hərəkətdə olarkən idarə etməni itirib yoldan çıxaraq ağaca çırpılıb. Güclü zərbə nəticəsində avtomaşında olan iki nəfər rayonun Liman şəhər və Qumbaşı kənd sakinləri Kənan Adil oğlu Səfərov və Xalid Xaliq oğlu Səfərov hadisə yerində keçiniblər. Hadisə zamanı deformasiyaya uğramış avtomobildən meyitlər yaxınlıqda olan insanların köməkliyi ilə çıxarılıb. Hadisəyə səbəb yüksək sürətin olduğu bildirilir. Qeyd edək ki, qəzada ölənlər 11-ci sinif şagirdləridir. Faktla bağlı araşdırma aparılır.
