Ауызбен емес,жүрекпен айтылды💚

Өскелең ұрпақтың жан арнасы ашық болсын! Жылы жүрек,суық ақыл,ыстық қайрат тіледім.

Жұма. Үйімізге Ақсай мешіті өте жақын. Жолай мешіт маңындағы қайыр сұраушылардың жанынан өттім.

Қабырғаға көзім түсті. Баннерге былай жазылыпты “Садақаның ең абзалы -білім тарату”. Білім алыңдар және таратыңдар! Садақаның ең абзалы осы депті. Жүректі дір еткізді. Мамандығым мұғалім. Пайғамбарлар жайлы тарихтан оқығанбыз. Әлемнің діндер тарихымен де таныспыз.

Үйде төрт балам бар. 2019 жылы Отбасы хрестоматиясын алғанбыз.”Салт дәстүр сөйлейді” деген кітап бар. Ішінде осы бесік жыры бар. Мазмұнын оқып ғашық болдым. Ыңылдап әуенімен балапандарымды ұйықтатып жүрдім. Кейде Алланың көркем есімдерін қосып айтам. Қысқасы сәбиімді “Лә иләһа иллАлла” деп ұйықтатуға тырыстым.

Бір күні ой келді. Тек менің ұрпағым салиһ болу керек пе? Неге өзге қазақ балалары,жалпы адамзат ұрпағы осыны естіп өссін! Қой,бастырайын. Бұл да білім ғой деп,студияға апыл-ғұпыл шығып бастырып келдім. Ютубта бірде бір подписчигім жоқ. Жоғалып қалмасын,тыңдаймын деген жұрт бесік жырын іздесе тыңдасын деп салып қойдым.
Абай атам ұқсап өз сөзім өзімдікі дейді ғой. Өз жырым өзімдікі дедім де,кітаптан сөзін қарап айтып бастырдым. Ютубқа салып қойдым. Бір күні қарасам ,50.000 просмотр деп таңғалдырып мәәз қылды. Тағы ізденіп, мынау керемет қой деп жүрген жайым бар.

Ең маңыздысы барынша пайдалы болу. Құдай берген бойымдағы құндылықтармен адамзатқа қызмет ету ең ұлы арманым. Пендешілік оянып,енді ютубты кәсіби түрде дамытуды жоспарлап отырмын. Көбіне рухани құндылықтармен бөлісемін. Ұрпақ тәрбиесіне қатысты аңыз-әңгіме,қисса,поэзия,поэмалар аудиокітап ретінде ұсынылатын болады.

Сіздер қолдап қойсаңыздар. Қаралым көп болған сайын,интересныйға шығады. Білмейтін адамдарға бесік жыры жетсін. Мағынасы зоор ғой. Ұрпағымыздың жүрегі нұрлы болсын! Жан дүниесі жылы,кең болсын! Екі дүниеге қайырлы болсын! Ата-ананың басты арманы сол емес пе?

свернуть