Ертең Мемлекет басшысы Нұрсұлтан Назарбаевтың Қытай Халық Республикасындағы мемлекеттік сапары басталады. Іргедегі көршіміз осы аптада ірі саяси жиынға ұйытқы болғалы отыр. Шиңдао шаһарында Шанхай Ынтымақтастық Ұйымының саммиті өтпекші. Міне, осы жиынның алдында Қытай президенті Си Цзиньпин екіжақты кездесу өткізу үшін қазақ басшысын ел астанасына арнайы шақырып отыр. Айта кету керек, қос ел басшысының арасында саяси, стратегиялық әріптестіктен бөлек, өзара сенім мен түсіністікке негізделген достық қарым-қатынас та бар. Сондықтан, кездесуден күтер нәтиже көп.
