Экономиканың бар саласын сандық жүйеге икемдеу Қазақстанның бәсекеге қабілеттігін арттырады дегенді ел ғалымдары да айтып отыр.
Халықаралық ақпараттық технологиялар университетінің ректоры Дамир Шыныбеков қазір бұл бағытта атқарылып жатқан шаруа шаш етектен дейді. Мысал ретінде экология, қоршаған ортаны қорғауға арналған жобалар және қоғамдық көліктің қызметін жақсарту жөніндегі қосымшаларды атады. Қуантарлығы көбісін өзіміздің студенттер жасап шығарған. Енді өнеркәсіптік және тұрмыстық робототехниканы дамыту көзделіп отыр. Бұл үшін әрине мықты мамандар қажет.
Дамир Шыныбеков, Халықаралық ақпараттық технологиялар университетінің ректоры:
– Тікелей бізге тапсырма берілді. Ол тапсырма бойынша біз мынау «Смарт Сити» деген жалпы жаңа технологияны енгізуіміз керек. Біздің Ақпараттық технологиялар университетіміз 8 жыл бойы соған дайындалып жатыр. Қазіргі таңда бізде big data, internet of fams, national computer security және мобильдік қосымшалар бойынша жоба дайындап жатырмыз. Бізде қазіргі таңда 70-тен астам жобамыз бар. Оның жартысы қалаға енгізілген.
Алматылық жастар да Елбасы Жолдауына қолдауларын білдіріп жатыр. Олар құжаттағы Елбасының жоғары оқу орындарына шетелдік менеджерлерді тартып, әлемдік университеттердің кампустарын ашу, бастысы жастардың ғылыми зерттеумен айналысуына жағдай жасау жөніндегі тапсырмаларын зор ықыласпен қабылдады.
Мәди Ахметов, Алматы қалалық «Жас Отан» жастар қанатының төрағасы:
– Қазіргі жаһандану сатысында Қазақстан әлемдік қиындықтардан қалай шығуымыз қажет, ол үшін біз неге дайын болуымыз керек деп көрсетілген 10 бағытты орындау, Қазақстанды дамыған 30 елдің қатарына енгізу ол тікелей біздің борышымыз, біздің міндетіміз деп білеміз.
