عزم (چهارشنبه، ۲۳ تله، ۱۳۹۹): چارواکو نن چارشنبه ویلي چې تېره شپه د هلمند په ناوه ولسوالۍ کې د دوو چورلکو د سقوط په پېښه کې نهه کسان وژل شوي دي.
سیمه ییز چارواکي وايي دواړې ایم آی ۱۷ روسۍ چورلکۍ د هلمند سیند پر غاړه رانسکورې شوې، یوې د وروستیو نښتو ټپیان لېږدول او بلې سیمې ته مرستندوی کمانډویان راوړل.
ځینې راپورونه وايي چې دواړو چورلکو ټکر کړی دی او د سقوط په وخت کې یې په سیمه کې جګړه روانه وه.
د دفاع وزارت په اعلامیه کې د چورلکو د رانسکورېدو لامل تخنیکي ستونزې بلل شوې او پکې زیاته شوې چې د پيښې په اړه تحقیقات روان دي.
دا چورلکې داسې مهال لویږي چې له تېرو څو ورځو راهیسې په هلمند ولایت کې د طالبانو او دولتي ځواکونو ترمنځ نښتو زور اخیستی دی او د دولت نظامیانو ته درنه مرګ ژوبله اوښتې ده. طالبان وايي دوی په نښتو کې هغه سیمې بېرته لاندې کړې چې شاتګ یې ترې کړی و.
Subscribe #Azamm!
Web: [ Ссылка ]
Android App: [ Ссылка ]
Twitter: [ Ссылка ]
Telegram: [ Ссылка ]
YouTube: [ Ссылка ]
![](https://s2.save4k.ru/pic/wwmbOsl3ZsI/mqdefault.jpg)