☝️ ТАВҲИДНИНГ ТУРЛАРИ.
✅ Тавҳид уч турлидир:
1⃣ Биринчиси: Рубубият тавҳиди:
➖Тавҳиднинг бу қисмига мушриклар иқрор бўлганлар ва Росулуллоҳ соллаллоҳу алайҳи васаллам уларга қарши уруш қилдилар. Мушрикларнинг рубубият тавҳидига иқрор бўлганлари уларни Исломга олиб кирмади. Росулуллоҳ соллаллоҳу алайҳи васаллам уларнинг қонини ва молини ҳалол санаганлар. Рубубият тавҳиди – Аллоҳ таолони феълларида ягона деб эътиқод қилишдир.
Далил – Аллоҳ талонинг сўзи:
▪️(Эй Пайғамбар) айтинг: «Ким сизларга осмон ва заминдан ризқ берур ёки ким қулоқ ва кўзларингизга эгалик қилур?! Ким ўликдан тирикни чиқарур ва тирикдан ўликни чиқарур ҳамда ким барча ишларни тадбир қилиб турур?!» Улар албатта: «Аллоҳ», дейдилар. Бас, сиз айтинг: «Ахир Аллоҳдан қўрқмайсизларми?!»
(Юнус: 31)
💠💠💠
2⃣ ИККИНЧИСИ: Улуҳият тавҳиди.
➖Низо ва қарама – қаршилик, қадимда ва яқин ўтмишда, тавҳиднинг мана шу қисмида бўлган.
Улуҳият тавҳиди – бандалар амаллари ва ибодатларида ягона ва шериги йўқ Аллоҳ таолони қасд қилишларидир. Ибодат турларига дуо, назр, жонлиқ сўйиш, ражо (умид қилиш), қўрқув, таваккул, рағбат (интилиш), раҳбат (қўрқув), инобат (қайта – қайта қайтиш) каби амаллар киради. Бу ибодатларнинг ҳар бирига Қуръондан далил мавжуд.
3⃣ УЧИНЧИСИ:
➖Зот ва исм – сифатларда тавҳид
Аллоҳ таоло айтди:
▪️(Эй Пайғамбар), айтинг:
«У — Аллоҳнинг ўзигина ягонадир. Аллоҳ беҳожатдир. У туғмаган ва туғилмагандир. Ва ҳеч ким У зотга тенг эмасдир
“Аллоҳнинг гўзал исмлари бордир. Бас, Унга ўша исмлар билан дуо қилинглар. Унинг исмларида ҳақдан оғадиган кимсаларни тарк қилинглар. Улар қилиб ўтган амалларига яраша тез кунларда жазоланадилар”.
“Бирон нарса Унга ўхшаш эмасдир. У эшитувчи ва кўриб турувчидир”.
![](https://s2.save4k.ru/pic/x6xaUltIQVo/mqdefault.jpg)