Şeir: Vahid Əziz - Ayıbdır
Səsləndirmə: Vahid Əziz

Biraddımla'ya YouTubeda abunə olmaq: [ Ссылка ]

Biraddımla'nın sosial şəbəkə ünvanları:
Instagram: [ Ссылка ]
Facebook: [ Ссылка ]
TikTok: [ Ссылка ]
Telegram: [ Ссылка ]
E-poçt: biraddimlayol@gmail.com

VAHİD ƏZİZ - AYIBDIR

Xumar çeşmə salma məni bu hala,
Başındakı yarpızlardan ayıbdır.
El içində gəzmək olmur qol-qola,
Tənhalardan, yalqızlardan ayıbdır.

Gizli qalsın kəməndlərin belində,
Sığalların görünməsin telində,
Göz yaşı var çox ocağın külündə,
Eşqi nakam o qızlardan ayıbdır.

Baş ağrısı ağır olar qeyrətin,
Ömrüm oldu həm şərəfli, həm çətin,
Nadan, çaşma birdən qalsa qeybətin,
Dəbdən düşmüş qızıllardan ayıbdır.

Haqqın dizi bükülməzdi əyməyin,
Bərkəyəcək sınmalını döyməyin,
Tariximin izlərinə dəyməyin,
Daşlardakı yazılardan ayıbdır.

Nəğmələrim sevən qəlbin bəstəsi,
Dodağımda saz havası, tar səsi,
Həya etsin yerdə gəzən dəstəsi,
Səmadakı ulduzlardan ayıbdır.

Dəli könül yıxılsanda sürünmə,
Can nədir ki yaşanmırsa dirənmə,
Vahid Əziz bir də bədbin görünmə,
Qəlbindəki arzulardan ayıbdır.

Vahid Əziz:
"... Bir dəfə efirdə dedim ki, qonşusu acından ölür, ona bir tikə çörək vermir, gedir həcc ziyarətinə. Sən elə qonşuna kömək et də, yetim, kasıb əlindən tutmaq həcc ziyarətindən daha yaxşıdır. Mənim üçün ən böyük xoşbəxtlik yanına bir iş üçün gələn insanın gedəndə gözlərində sevinc görməkdir.
Yadımdadır ki, bir dəfə səhər- səhər bulvara gəzməyə getmişdim. Bir də gördüm ki, skamyanın üstündə bir oğlan bəxtəvər- bəxtəvər yatıb. Bunun yanından keçdim, cibimdə də 23 manat pul var idi. Fikirləşdim ki, indi bu yuxudan duracaq, çörək yemək istəyəcək. Bunu oyadıb pul verə bilmərəm. Ya başının altına qoyum, ya da əlinin içinə. Birtəhər pulu bunun üzü ilə əlinin arasına qoyurdum ki, ayıldı. Diksindi. Dedim, pulu götür, get çörək al, ye. Bu çaşdı qaldı. Mən də çıxdım getdim. Həmin gün özümü çox xoşbəxt hiss etdim. Ən azı, fikirləşdim ki, bir gün bir adamın ac qalmasına imkan vemədim. İnsan tək özünü düşünüb, yaşaya bilməz axı. Haram şey yesən, o, mədədə həzm olunmayacaq. Haçansa yaraya, xərçəngə çevriləcək... "
#vahideziz #ayibdir #biraddimla #biraddimlayol

свернуть