Հ.Մ.Ը.Մ. ՀԱՑ ԱՐԻՆԵՐ
Հ.Մ.Ը.Մ. հայ արիներ,
Հերոսներու դատին ժառանգ, Առողջ, զուարթ ու անվեհեր,
Մենք կը կերտենք մարմին ու կամք:
Օտար աշխարհ, օտար դաշտեր, Բայց հայրենի վեհ դրօշին տակ. Պատիւն հայուն բռնած միշտ վեր' Կը շահինք փառք ու յաղթանակ:
Հ.Մ.Ը.Մ. Յոյսի սերունդ Չունինք դադար, չունինք նահանջ, Դէպի լեռներ լուսածնունդ Մենք յաղթաքայլ կ՛ երթանք յառաջ:

Սիրելի Հ.Մ.Ը.Մ.ական
Եղբայրներ եւ Քոյրեր Ի Սփիւռս Աշխարհի

Հ.Մ.Ը.Մ.ի 100-ամեակին եւ Հ.Մ.Ը.Մ./ՀԱՍԿԻ 30ամեակին,կը նուիրեմ այս Սկաուտական երգերը եւ Տեսահոլովակը:
Այս երգերը եւ նկարները մեզի փոխանցուած են մեր նախնիքներէն եւ կը մաղթեմ որ փոխանցուի գալիք սերունդներուն:
Առիթը օգտագործելով կ՛ուզեմ իմ շնորհակալութիւնը հայտնել Հ.Մ.Ը.Մ.ի կեդրոնական վարչութեան՝ իրեց քաջալերանքին,այս երգերու պատրաստութեան առիթով, Տարօն մանկապատանեկան երգչախումբին, որոնք սիրայօժար սորվեցան Սկաուտական երգերը եւ ներկայացուցին,Սեդօ Պաղտասարեանին՝երգերու երաժշտութեան համար: եւ բոլոր անոնց որոնք նկարներ տրամադրեցին Տեսահոլովակի համար:Տեսահոլովակը պատրաստողներուն՝ Վարանդ Հաճեանին, Արմինէ Խանտուզեանին եւ Նարէկ Հաննէեանին:
Թող այս Տեսահոլովակը Վառ պահէ մեր Եղբայրներուն եւ Քոյրերուն անխոնջ եւ Նուիրեալ Աշխատանքը:

Եղբայրական ջերմ Յարգանքներով
Եղբայր՝Գաբրիէլ Փանոսեան

свернуть