Moska po përballet me reagimin, sanksionet dhe embargot tregtare të shteteve, anwtare nw Organizatën eKombeve të Bashkuara, Bashkimit Europian dhe SHBA-ve, megjithatë në listën e vendeve që dolën kundër Rusisë, bien në sy gjashtë shtete të cilat kanë një qëndrim të lëkundur duke zgjedhur të mos e kenë Putinin kundërshtar, por aleat. Por çfarë fshihet pas ndarjes së botës në disa kampe?
India thuajse ka heshtur lidhur me luftën në Ukrainë, duke u distancuar nga kritikat e ashpra ndaj Rusisë dhe duke kërkuar një zgjidhje diplomatike, të njëjtën linjë ka mbajtur edhe pas pushtimit të Gadishullit të krimesë në vitin 2014.
Sipas Financial Times, Banka qendrore e Indisë parashikon një marrëveshje tregtare me Moskën që do të sillte përdorimin vetëm të rupit indian dhe rublës ruse, duke anashkaluar sanksionet perëndimore, si dhe blerjen e tre milionë fuçive me naftë nga Rusia me zbritje. Kjo sepse ndër vite India ka krijuar varësi nga blerja e mallrave rusë dhe pajisjet ushtarake dhe nuk është në favorin e saj të dalë kundër Vladimir Putin.
Sulmi i Rusisë ndaj Ukrainës e ka vendosur Izraelin, një aleat besnik i SHBA-së, në një pozitë delikate. Fillimisht i kujdesshëm në reagimin e tij, Izraeli e ka dënuar pushtimin rus të Ukrainës me një gjuhë gjithnjë e më të ashpër, por deri më tani nuk është bashkuar me shtetet e tjera në vendosjen e sanksioneve ekonomike kundër Moskës. Sipas ligjit izraelit, sanksionet mund të vendosen vetëm ndaj një vendi të caktuar si shtet armik.
Izraeli gjithashtu nuk ka premtuar të dërgojë ndonjë armë në Ukrainë, edhe pse dronët e prodhuar nga Izraeli mund të jenë jashtëzakonisht të dobishëm për Kievin. Që nga fillimi i luftës, kryeministri izraelit Naftali Bennett është takuar me presidentin rus Vladimir Putin në Moskë dhe ka pasur disa biseda telefonike me të, jashtë vëmendjes mediatike.
Arabia Saudite dhe Emiratet e Bashkuara Arabe i janë shmangur sanksioneve të administratës së Bidenit. Emiratet e Bashkuara Arabe abstenuan muajin e kaluar votën për projekt-rezolutë të Këshillit të Sigurimit të OKB-së që dënonte pushtimin rus të Ukrainës. Dhe deri më tani këto vende nuk e kanë rritur prodhimin e naftës për të amortizuar shtrenjtimin e çmimeve të naftës, pavarësisht kërkesave nga Uashingtoni dhe qeveritë e tjera perëndimore.
Monarkitë e pasura të Gjirit Persik e shohin Rusinë si një aktor vendimtar në një koalicion të prodhuesve të naftës të krijuar për të menaxhuar tregun global të naftës. Në vitin 2019, sauditët dhe fuqitë e tjera të naftës ftuan Rusinë të formonte një grup të zgjeruar të njohur si "OPEC+", për të kontrolluar prodhimin dhe për të siguruar një treg të qëndrueshëm dhe fitimprurës të naftës. Grupi u krijua për të kundërshtuar efektin e bumit të Amerikës në prodhimin e argjilës.
Nën Presidentin Rexhep Tajip Erdogan, Turqia ka pasur një marrëdhënie kontradiktore me Rusinë. Turqia, një anëtare e NATO-s, votoi për rezolutën e Asamblesë së Përgjithshme të OKB-së që dënonte Rusinë për veprimet e saj në Ukrainë, por ajo nuk ka vendosur sanksione ndaj Moskës si dhe nuk ka mbyllur hapësirën e saj ajrore për avionët rusë.
Erdogan dhe Putin kanë krijuar një marrëdhënie thuajse miqësore. Turqia nga njëra anë bleu raketa anti-ajrore S-400 të prodhimit rus si dhe ndërpreu marrëveshjet energjetike me Moskën. Turqia i ka sytë për ndihmën ruse lidhur me grupet kurde në Siri, pasi Ankaraja ka frikë nga shfaqja e një shteti kurd në kufirin e saj. Kina dhe Afrika e Jugut janë dy shtetet e tjera të cilat i kanë interest ngushtësisht të lidhura me Moskën dhe kanë zgjedhur të mos i dalin kundër
Pamje:AFP
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#Sanksionet#Rusia#TopChannel
