Удмуртлыкез азинтон, удмурт кылэз дышетон но калыкен огъя тупаса улон - таӵе ужпумъёсты нырысь интые пуктиз «Удмурт кенешлэн» Алнаш ёросысь ёзэтэз. Солы луыса ик али данъян книга бордын ужало - отчы ёросазы улӥсь пӧртэм выжы калыкъёслэн адӟем карымон адямиоссы пырозы.
Та уж туж аспӧртэм луоз - уго, та дырозь ёросысь «Удмурт кенеш» бадӟым саклык удмурт калыклы гинэ висъяз. Озьы, сяме пыӵамын ни покчиослы но быдэ вуэмъёслы сӥзем фестивальёс. Шуркынмон нош быдэсак удмуртлыклы сӥземын луэ. Ужрадъёс пӧлысь одӥгез Трокай Борисовен герӟаськемын. Солэн вордӥськем нуналаз ёросысьтызы адӟымон, удмуртлыкез азинтон бордын ужась воргоронъёсты данъяло.
Ещё видео!