बलात्कार र हत्यासहित विभिन्न अपराध गरेको आरोप लागेका ‘लिटिल बुद्ध’ भनिने रामबहादुर बम्जन सिन्धुलीस्थित आश्रमबाट फरार भएका छन् ।
तपस्वीको भेषमा बस्दै आएका रामबहादुर बमजनलाई पक्राउ गर्न पुगेका प्रहरीले बम्जन सिन्धुली आश्रमबाट फरार भएको जनाएको हो । बम्जन आश्रममा रहेको सूचनाका आधारमा पक्राउ गर्न गएको प्रहरी आश्रम पुग्दा बम्जन आश्रम नभेटिएका हुन् । तर, बम्जन आश्रममा नभेटिएपछि प्रहरीले अनुसन्धानका लागि बम्जनका मुख्य सहयोगी तोप्चन गरुमार्ग गुरुका नामले चिनिएका ज्ञानबहादुर बम्जनलाई नियन्त्रणमा लिइएको जिल्ला प्रहरी कार्यालय सिन्धुलीका प्रहरी प्रमुख एसपी रन्जु सिग्देलले जानकारी दिनुभयो ।
विभिन्न आश्रममा बस्दा पाँच जना अनुयायी र आनीहरु बेपत्ता पारिएको, आश्रमका आनीहरुमाथी यौन दुर्व्यवहार गरेको, यातना दिएको आरोपमा बम्जनमाथि किटानी जाहेरी परेपछि उनलाई पक्राउ गर्न प्रहरी आश्रम पुगेको थियो । जिल्ला अदालत सर्लाहीले आरोपित बम्जन पक्राउ गर्न बिहीबार पूर्जी जारी गरेपछि सिआइवी, प्रदेश नम्बर दुईको दंगा नियन्त्रण टोली र जिल्ला प्रहरी कार्यालय सिन्धुलीको टोलीले कमलामाई नगरपालिका ८ पैरेस्थित बम्जनको आश्रममा खानतलासी गरेको हो । बम्जन र उनका सहयोगीलाई नुवाकोटका अनुयायी सञ्चलाल वाइबाको बाँडेगाउँकै आश्रममा हत्या गरी बेपत्ता बनाएको भन्दै सञ्चलालका छोरा महेन्द्रले जिल्ला प्रहरी कार्यालय सिन्धुपाल्चोक र मकवानपुरमा किटानी दिएका छन् ।
SUBSCRIBE :[ Ссылка ]
WEBSITE : WWW.NEWS24NEPAL.TV
#News24Nepal #SidhaKuraJanataSanga #PowerNews
Ещё видео!