#Opinion | Emision politik live nga #BlendiFevziu në #tvklan
I ftuar mbrëmjen e sotme në emisionin “Opinion” në Tv Klan është Rolf Mowatt Larssen. Ai ka qenë më shumë se 30 vjet pjesëtar i Shërbimit inteligjent Amerikan CIA, drejtues i disa operacioneve në terren ndër më të rëndësishmit dhe njëkohësisht drejtues i disa strukturave që janë marrë me problemet apo luftën e përplasjes mes CIA-s apo KGB-së në kohën e Bashkimit Sovjetik, në raportet me rusët në Shërbimet Sekrete dhe institucionet amerikane pas viteve 90’, drejtor i stacionit të CIA-s për Moskën që është një nga postet më të rëndësishme që një oficer i CIA-s mund të marrë.
Ai ka thënë se kjo është vizita e parë e tij në Shqipëri teksa ka shtuar se nuk është i huaj me rajonin e Ballkanit, por pjesën më të madhe të punës e ka përqëndruar në Rusi dhe në Evropën Perëndimore dhe më vonë në luftën kundër terrorizimit.
Me një karrierë shumë të pasur, ai ka treguar me detaje momente kyçe nga puna e tij, ku veçon shpërbërjen e Bashkimit Sovjetik, ngjarje historike për të cilën thotë se nuk kanë qenë të përgatitur.
Blendi Fevziu: Rolf, libri që ju botuat për karrierën dhe historinë tuaj në CIA ishte shumë interesant. Por si fillim, kjo është hera juaj e parë në Shqipëri?
Rolf Mowatt Larssen: Kjo është vizita ime e parë në Shqipëri.
Blendi Fevziu: Një zyrtar i CIA-s i cili vjen për herë të parë në Shqipëri?
Rolf Mowatt Larssen: Më vjen turp në fakt kur thuhet kështu. Nuk jam i huaj me rajonin por pjesën më të madhe të punës e kam të përqendruar në Rusi dhe në Evropën perëndimore dhe më vonë kundër-terrorizmit.
Blendi Fevziu: Ju keni qenë gjithmonë i përqendruar tek Rusia apo edhe tek Bashkimi Sovjetik?
Rolf Mowatt Larssen: Bashkimi Sovjetik. Vitet e mija të parë në Rusi ishin gjatë periudhës së Bashkimit Sovjetik, në vitet 80. Më pas u riktheva në 1992 ku qëndrova për një tjetër “detyrë” siç e quajmë për 2-3 vjet çdo herë. Pra shërbeva dy detyra, një në Bashkimin Sovjetik dhe një pas shpërbërjes së Bashkimit Sovjetik.
Blendi Fevziu: Do ju pyes më vonë për përvojën tuaj gjatë këtyre ditëve në Shqipëri por le të themi se ju mund të bëni dallimin midis Bashkimit Sovjetik edhe Rusisë. Është një çast shumë interesant sepse armiku juaj le të themi, KGB-ja, në të njëjtën kohë u bë partneri juaj në epokën e Rusisë me presidencën e Yeltsin -it. Si ndryshuan gjërat?
Rolf Mowatt Larssen: Po dhe në nivelin personal ishte diçka shumë e çuditshme. Kur u prezantova me ‘Lubanka-n’, kryesinë e KGB-së, hera e parë që ndoshta në Lubanka, ishte në një takim me partnerët dhe gjeneralët të cilët ishin duke më ndjekur mua kur ndodhesha në Moskë në vitet 1980. Ishte një takim shumë i çuditshëm kur u takuam për herë të parë, siç mund ta imagjinoni.
Blendi Fevziu: Dhe ishin pak më të hapur në krahasim me vitet e kaluara…
Rolf Mowatt Larssen: Po. Diçka tjetër e çuditshme për marrëdhënien ishte se ne ndjemë nevojën… Bashkimi Sovjetik ishte në mes të ndryshimeve të mëdha, marrëdhëniet SHBA-Rusi do të ishin ndryshe nga ç’kishin qenë… Në 1992, 1993, 1994 nuk e dinim si do të ishin këto marrëdhënie. Kështu që ndjemë përgjegjësinë të krijonim këtë marrëdhënie.
Blendi Fevziu: Rolf, lërmëni t’iu pyes, mundet një zyrtar inteligjence të jetë i hapur? Në marrëdhënie me të tjerët…
Rolf Mowatt Larssen: Jo plotësisht. Sërish, fjala juaj është besueshmëria juaj. Nuk mund të jeni mashtrues edhe nëse jeni duke u marr me një partner i cili ka qenë një armik, madje sidomos në këtë rast duhet të krijosh marrëdhënie besimi.
Emisioni politik më i ndjekur dhe më i preferuar në ekranet shqiptare. “Opinion” vjen në katër takime çdo javë – e hënë, e martë, e mërkurë dhe takimi tradicional i të enjtes mbrëma.
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
