Lajme Arkiva 2002
Në Gjykatën e Apelit seanca e parë e dosjes për vrasjen e deputetit Azem Hajdarit ka zgjatur disa orë. Kohë gjatë së cilës të pandehurit dhe avokatët mbrojtës paraqitën pretendimet e tyre.
Jaho Mulosmani i dënuar me burgim të përjetshëm nga Gjykata e Shkallës së Parë nuk është shprehur personalisht, por në emër të tij avokati Vladimir Meçe kërkoi pafajësi me arsyetimin se nuk është provuar se klienti i tij është vrasësi i Azem Hajdarit.
Për të pandehurin Izamedin Haxhia i cili nuk u paraqit në seancën mbrojtja kërkon lirimin e tij nga burgu, sepse përfiton nga ligji për amnistinë. Ai u dënua me 2 vite e gjysmë heqje lirie për armëmbajtje pa leje.
Gjykata e Apelit vendosi të jap një qëndrim për këtë deri në përfundimin e plotë të shqyrtimit të dosjes, që do të thotë se Haxhia do të qëndrojë në qeli të paktën deri kur të jepet vendimi.
Ndërkohë prokuroria kërkon shpalljen fajtor të tij si bashkëpunëtor në vrasjen e deputetit Azem Hajdari dhe dënimin me 20 vite burg. Vëllai i tij Ismet Haxhia i cili kërkon gjithashtu pafajësi, kërkoi që në sallën e gjyqit të dëshmojnë të tjerë persona ndër të cilët edhe Çel Pozllomi, i arrestuar muajt e fundit e që mund të jetë sipas akuzës i pandehur në dosjen “Hajdari 2”.
Izet Haxhia aktualisht i shpallur në kërkim nga policia dhe i dënuar në mungesë me 25 vjet burg, i ka kërkuar Gjykatës së Apelit përmes avokatit të tij pafajësinë.
I vetmi i pandehur që kërkon të lihet në fuqi vendimi i Gjykatës së Tiranës është Fatmir Meta.
Fatmir Meta: Kam qenë i vetmi person, në një kohë kur ministri i Rendit dhe autoritetet më të larta të Ministrisë së Rendit, deklaronin se Jaho Mulosmani ka qënë në shërbim dhe në datën 12 shtator ka qenë i sëmurë në shtëpi në banesë. E konfirmuar edhe nga policia e Komisaritatit të Tropojës, unë kam deklaruar se Jaho Mulosmani në datën 12 shtator rreth orës 10:30 jam takuar në lokal dhe më ka kërkuar automjetin tim, mitsubishin me targë BC0500B.
Në Gjykatën e Apelit akuza do të vazhdojë të përfaqësohet nga prokurorët Haxhi Giu, Artur Selmani dhe Arqile Koça.
Ata i kërkuan prokurorit Theodhori Sollaku të hiqnin dorë nga përfaqësimi i kësaj dosjeje sapo Gjykata e Shkallës së Parë dha vendimin, por kjo kërkesë është kundërshtuar nga prokurori.
Seancat për çështjen “Hajdari”, në Apel do të vazhdojnë çdo ditë deri në dhënien e vendimit. Nësër në orën 9:30 të pandehurit do të paraqiten sërish në sallën e gjyqit./tvklan.al
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow rtvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
