Song : Mookambigaiye Logambigaiye | Tamil Lyrics
Movie : Harihara Puthiran
Singer : K J Yesudas
Lyrics : Vaali
Music : Shankar-Ganesh
Video Powered : Kathiravan Krishnan
Production : Vijay Musicals
#amman#yesudas#vijaymusicals
#tamildevotionalsongs

பாடல் : மூகாம்பிகையே லோகாம்பிகையே | தமிழ் பாடல்வரிகள்
குரலிசை : K J யேசுதாஸ்
கவியாக்கம் : வாலி
இசை : சங்கர்-கணேஷ்
காட்சிப்பதிவு : கதிரவன் கிருஷ்ணன்
தயாரிப்பு : விஜய் மியூசிக்கல்ஸ்

பாடல்வரிகள் :

மூகாம்பிகையே லோகாம்பிகையே
ஜகம் புகழ் மகராணியே
மாதேஸ்வரியே யோகேஸ்வரியே
மறை தொழும் திருமேனியே
அழகே நல் அடியார் மனம்
அனைத்தும் உன் அரியாசனம்
அழுதால் உன்னை தொழுதால்
பெற்ற தாயைப் போல நோயை தீர்க்கும்
மூகன் எனும் மூடன் உன் மகிமை அறிய
சுடராய் எழுந்தாய் சங்கரியே
மூளும் வினையாவும் ஓர் நொடியில் அழிய
புயலாய் விழைந்தாய் பைரவியே
குடசாத்திரியோரம் கொல்லூரில் வாழும்
ஞான வள்ளி நீயே நலங்கள் சேர்க்கும் தாயே
கடல் வானம் பூமி கைகூப்பி ஏத்தும்
தேவ தேவி நீயே திசைகள் போற்றும் தாயே
ஆதாரம் என்றான ஆதிசக்தி அம்மையே
ஈசன் நடராசன் மலைவாசன் உடலில்
இடமாய் உறையும் அம்பிகையே
வாழும் உயிர் யாவும் வரம் வேண்டும் பொழுது
அருளாய் பொழியும் சுந்தரியே
அபிராமி பட்டர் அந்தாதி பாட
நிலவைக் காட்ட நீயே நேரில் வந்த தாயே
கவிகாளமேகம் தமிழ் சிந்து கூற
அர்த்தஜாமம் நீயே அமுதம் தந்த தாயே
செவ்வாடை மருவூரில் சூடி நிற்கும் அன்னையே

свернуть