Әсіресе сүт өнімдерін шығаратын өндірістер тың құрылғыларға бейімделеді. Қазақстандық фермерлер Нидерландыға арнайы барып, сондағы әріптестерімен тиісті келісімдер бекітті.
Қазақстандық фермерлердің жұмыс сапары екі елдің Үкімет басшылары арасындағы тәжірибе алмасу жөніндегі келісім негізінде жүзеге асты. Голландияда әлемдегі сүт және құс еті өнімдерінің ауқымды бөлігі өндірілетіні белгілі.
Еліміздің іскер азаматтары жергілікті өндірушілермен кездесіп, голландиялық технологияларды Қазақстанның агросекторына енгізу жөнінде келіссөздер жүргізді. Сондай-ақ бірлескен кәсіпорын ашу мүмкіндіктері де сөз болды.
