Araw ng BIYERNES; Araw ng DEBOSYON;
Araw ng mga DEBOTO; Araw ng QUIAPO;
Araw ng ating PINAKAMAMAHAL na
Nuestro Padre Jesus Nazareno
[Sama-sama po tayong magdasal] Mahal na Poong Jesus Nazareno, naririto na naman po kami, Iyong mga deboto, Iyong mga alagad, hindi lang para magsumbong, hindi para magreklamo, hindi lang para magpa-awa kung hindi para tunay na magdasal, tunay na magdebosyon, tunay na manalangin.
Narito po kami para maging maamo at panatag ang aming kalooban. Narito po kami para sumuko sa Inyong kalooban. Narito po kami para magmaka-awa sa Iyong biyaya, sapagkat Mahal na Poong Jesus Nazareno, hindi po ito tungkol sa ginawa sa amin, hindi po ito tungkol sa ginawa namin o magagawa namin lamang kung hindi higit sa lahat, katulad po Ninyo, narito po kami tumitingala, katulad Ninyo habang pasan-pasan ang mga krus namin sa buhay, sapagkat nagtitiwala kami sa ’Yo, sapagkat alam namin ang magagawa Mo ang tunay na lunas at solusyon sa aming mga pinagdaraanan at krus sa buhay.
Mahal na Poong Jesus Nazareno, kaawaan N’yo po kami, basbasan N’yo po kami. Amen! Amen!🙏
MUNTING PANALANGIN ni Rdo. P. Jun Sescon, Jr.
Hulyo 12, 2024 - Ikalawang Biyernes
Ika-14 na Linggo sa Karaniwang Panahon
#QuiapoChurch #QuiapoDay #Prayer #Panalangin #EverythingIsGrace #BiyayaSaQuiapo #JesusNazareno #Nazareno #FrJunNgQuiapo #BlackNazarene #NuestroPadreJesusNazareno #PoongHesusNazareno #Catholic #Katoliko #MinorBasilicaAndNationalShrineOfJesusNazareno
![](https://i.ytimg.com/vi/xhkc6f1Iz64/maxresdefault.jpg)