Watch Official Music Video: [ Ссылка ]
VERSE 1
Why Me?
Daddy Please, Why you have to treat mi like dat?
Why everyday Yuh get up and a beat mi like?
Di way Yuh talk to mi. mi deevn like dat
When you a whip mi with Di wire, yo mi feel fi fight back
Like, a yuh belly mi waah sink mi knife at
And den wring it and den wring till mi feel Yuh tripe pop,
Yuh life stop, cut out yuh tongue so do nuh feel fi try chat
Blood run out like pipe tun on and smaddy tief di pipe cock
Yaah go kill mi just chu mi gaa di playfied?
You a deal wid mi like mi wuk pon yuh cane field
A bet mi mek yuh know how pain feel
Kmt, mi figot yuh feed pon opioid so yuh nuh know say pain real
Yuh likkle shit house, mi nuh waah fi tink like dat
You a mi father you fi love mi and mi give it right back
A you fi be mi driver, mi captain, pilot
Lead the way mi follow in thy track
You ano man, you a manure, deevn a father figure
Yuh heart and liver, mi fi tun ina dah dog yah dinner
Hang yuh pon a limb and watch yuh limbs a dance Sivva
Cyaa believe a fimmi thoughts dem yah
Mi nuh say yuh fi perfect, but yuh just worthless
Cause even when of all yuh fren dem a you worth less
yuh fucking idiot, a rush fi go mek di higher purchase
One bags loans one bagga hire purchase
Yesterday mi simmi fren father forward and him run galong
Mi get so sad, him say waapm? Mi say ntn nuh wrong
Is just dat mi neva get a hug so strong
CHO BUMBOCLAAT DADDY, GIMMI A HUG NUH MAN
Where's the love and di affection, where's the compassion?
A really so yuh want yuh son fi tan?
Grow up and nuh love nuh one?
Daddy you fi be mi numba 1.
CHORUS
Love and affection could you give me that?
Love is all I need and that's what I wanna see
Yuh nuh show love, mi nuh know love (No No)
Yuh nuh show love, mi nuh know love (No No)
Yuh nuh show love, mi nuh know love (No No)
Yuh nuh show love, mi nuh know love
VERSE 2
Daddy remember dat sed evening?
When Yuh puff mi ina mi chest, untill mi feel like mi breath leaving
Den we lay dung pon di bed reasoning?
Yuh say mi nuh serve nuh purpose, unless mi ina shop a sell seasioning
Well dat sed Evening, me gaah mi dreaming
And I kept seeing this lady, she call mi baby, and she say she's in,
Di water, she feeling cold and, she needing mi help
she's not breathing
Weh mi fucking madda deh? Yuh say she dead sleeping
Den a how this lady say mi needing breast feeding?
And everytime mi leaving she keep pleading and repeating
"Come Fimmi Please, and don't believe him"
A just some answers mi seeking
How she know mi name when time she speaking?
Like, look pon mi!
Daddy Yuh need fi stop it
Waah Di problem? Mi a jacket?
Cause mi cannot be Yuh pickney and Yuh deal wid mi so crabit
Yo mi cannot understand it
Yo know mi waah fi lef dis planet
Gimmi poison Mek mi Nyam it
Or push mi out Inna Di traffic
Mek a big truck woll mi bloodclaat head and just Mash it
Den again when dat go happen
You quickly give me a coffin,
Yuh know wah? Figot it Pussy
Yuh see how mi up ina mi madda peacefully
And Yuh go fuck r and Tek mi out, now look how you a deal wid mi
Waah the reason fi Yuh be so mean to mi?
Yaah real bully, mi ago teach unu wah evil be.
No no no a di Devil dat a speak to mi
Daddy mi wuda Neva hurt Yuh, dat a weh mi feet fi be
Because Mi know say deep within Yuh soul
a Love di deh real Fimmi
Mi really wish Yuh wuda give it to mi
Repeat CHORUS
VERSE 3
December 5, 1995 happiest day a mi life
Mi get Di most perfect gift from mi wife
And that's you, that's di day mi realize
Mi affi stop mek certain choice
mi get a youth now mi affi wise
Reach home, Di woll family a rejoice
"Watch him dimples, watch him eyes"
Devin a you him look alike
Yuh know Di vibe
Yow A never feel so nice
Couple months and you a walk and talk
Really smart
After dat is when things get really dark
Yuh madda heal now, she can do anything she want
kmt, cyaa believe a she mi give mi heart
Anyway, her attitude start change up every second
She deevn waah mi touch har, mi a wonda weh she depon
Mi start think say a postpartum depression
But after 10 years? With that mi cannot reckon
Memba Di summer when mi send you a country wid mamma?
Mi did fi link up but. mi just couldn't bad
Mi bredda link up a Di yard and afta we a have a drink
Mi Mek quick run fi go pick up smtn from miss Donna
Mi left Yuh mommy ina di kitchen a do smtn fa mi
Mi fwd back and nuh see none a dem a wah dis?
Cut long story short, Yuh remember uncle Bobby?
Him ano Yuh uncle a Yuh daddy!
All now mi traumatized, di way mi seem a fuck Yuh madda
Yow di bun mi get nuh bun mi like di fact say a mi brother
Di pussy Mek a run out by di time mi reach mi jamma
But all now Yuh madda round a back ina Di well a Walla
Yuh memba di doctor place weh mi did bring Yuh?
A DNA we do, ntn Neva wrong wid Yuh
Yaah nuh mine, but Di love mi have fi Yuh Mek mi nuh kill Yuh
But Di more Yuh grow mi see mi Dutty bredda when mi see Yuh
CHORUS
Written by: Anthony Escoffery Clarke
#DevinDiDakta #SAINTkingstonMUSIC #JamRockVybzRecords #NoLove
![](https://i.ytimg.com/vi/xhy_NmuCMWI/maxresdefault.jpg)