#rtvora #edirama #zgjedhje2021


PS është e vendosur për të shkuar e vetme në zgjedhjet e 25 prillit për të kërkuar mandatin e tretë.

Edi Rama nuk do të firmosë asnjë marrëveshje për koalicion parazgjedhor, por nuk e përjashton mundësinë e prurjeve të reja në listën e mazhorancës.

Pas takimit të përjavshëm me drejtuesit politik në selinë rozë, kryesocialisti nuk mohon as përfshirjen e deputetëve në Parlament që morën mandatin nga vendet bosh të PD dhe LSI-së.

Rama: Listat prerogativë e drejtuesve të qarkut e kemi bërë gjithmonë. Janë drejtuesit e qarqeve që kanë barrën për të propozuar listën e skuadrës së qarkut dhe së bashku do të bëjmë listën e skuadrës kombëtare. Jemi në një proces të natyrshëm.

Puna për seleksionimin e skuadrës ka shumë kohë që ka nisur. Kemi bërë dhe një proces për të hapur derën për të rinjtë dhe të rejat që duan të angazhohen. Është një proces që ka përfunduar nga pikëpamja e atyre që mund të përzgjidhen nga skuadra. Drejtuesit e qarqeve po bëjnë vlerësimet dhe do të përfshijnë në listat e tyre edhe të rinj e të reja jo vetëm në moshë, por si prurje që vijnë nga angazhimi dhe ambicia për të qenë pjesë e skuadrës tonë. Patjetër që do të kemi edhe bazën e skuadrës te njerëzit me eksperiencë dhe besoj që do të kemi një skuadër dinjitoze, konkurruese dhe fituese.

Burime për Rtv Ora kanë konfirmuar se 4 deputetë që kanë ardhur nga listat e PD dhe LSI-së për zgjedhjet e 25 prillit do të punojnë për PS.

Deputetët që hynë aksidentalisht në Parlament dhe bashkuan votën me përfitimet e tyre politike me PS, nuk kanë ndërmend të frenojnë ambicien e tyre për pushtet.


Për më shumë lexoni në: [ Ссылка ]

Follow TV Ora dhe RTV Ora News

Subscribe To "Ora News" on YouTube Channel for NEWS HERE: [ Ссылка ]

Subscribe To "Ora News" on YouTube Channel for TV Shows HERE [ Ссылка ]

For more content from click HERE www.oranews.tv

Like Ora News on Facebook HERE [ Ссылка ]

Follow Ora News on Instagram Here [ Ссылка ]

Follow Ora News on Twitter [ Ссылка ]

Për më shumë na ndiqni në: www.oranews.tv

свернуть