مرّت علي وانا بعاصمة الضباب
حملة صَليبيّة على هيئة مره
لدّت وصار القلب تحت الانتداب
عجز يردّ القوّة المستعمره
خليط مابين العذوبه والعذاب
لها شكل عبلة وطعنة عنترة
تفتح مغاليق الضماير فتح باب
وتدخل على الصدر وتبختر فـ ايسره
اليا تجلّى البدر من بين السحاب
تْطالعه كنها تطالع منظرة
خذت من الظبي الجفول الارتياب
ومن الخيول الشقر ثقل وبختره
عزالله ان الشايب اللي جاب جاب
جت من خياله مستحيل مْن ظهره
يا مسلمين اللي نشب فـ اهل الكتاب
ادعوا له ان الله تعالى ينصره
اعاني من الحب ومن الاغتراب
ومن الوله ومن الحظوظ المدبره
عن ما اشتهت نفسي وما لذَّ وطاب
يردني دين ومروءة ونعره
انا النزيه اللي يخاف من الحساب
وانا اللي ان شاف اي منكر ينكره
وانا الصقر وانا النسر وانا العقاب
" وانا الذي سمتني امي حيدرة "
ان شفت فالرجال شي مْن الخراب
اطلّقه كنّي مطلق لي مره

جمال بندر

свернуть