Shifokor Akbar Madaliyev:
Ko‘krakda og‘riq kuzatilganda juda ko‘pchilik, ayniqsa, erkaklar og‘riqqa e’tibor bermaydilar yoki og‘riq qoldiruvchi tabletkalar ichadilar. Lekin shifokorga murojaat qilmaydilar, bu esa og‘ir asoratlarga olib kelishi mumkin.
Nevralgiya va yurak og‘riqlarining asosiy farqi og‘riqning davomiyligidir, nevralgiya og‘riqlari uzoq davom etadi. Yurak bilan bog‘liq og‘riqlar qisqa muddatli bo‘ladi, masalan stenokardiya xuruji 5-10 daqiqadan oshmaydi.
Nevralgiyada og‘riq o‘tkir bo‘ladi, stenokardiyada esa og‘riq ezuvchi, kuydiruvchi bo‘lib, havo yetishmaslik hisi bilan kechadi.
Stenokardiyada og‘riq ko‘krak qafasining deyarli hamma sohasida kuzatiladi. Shuning uchun bemor og‘riqni aynan qaysi nuqtada bo‘layotganini ko‘rsata olmaydi.
![](https://i.ytimg.com/vi/xxfyqRUsTgQ/maxresdefault.jpg)