10-րդ ժամն է՝ թեժ մարտերը շարունակվում են: Հակառակորդը, ռազմական ավիացիայի, անօդաչու թռչող սարքերի, զրահատեխնիկայի ու հրետանու կիրառմամբ, գրոհներ է ձեռնարկում առաջնագծի տարբեր հատվածներում: Պաշտպանության Բանակի առաջապահ ստորաբաժանումները հաջողությամբ հետ են մղում հակառակորդի բոլոր գրոհները: Ճշտված տեղեկություններով ադրբեջանական զինուժը կորցրել է 4 ուղղաթիռ, 15 ԱԹՍ, նաև հարվածային, 10 տանկ և հետևակի մարտական մեքենա: Ադրբեջանական ընդդիմադիր «Մեյդան» լրատվակայքի համակարգող Հեբիբ Աբդուլլաևը հայտնում է, որ սպանվել է Ադրբեջանի բանակի փոխգնդապետ Մեհման Շիրվանովը: Պաշտպանության Բանակի կորուստները ճշտվում են:
