Сондай-ақ, ресми тіркелген партиялардың төрағалары да түске дейін көпшілікпен бірге өз таңдауларын жасады. Олар тіркелген мекенжайлары бойынша дауыс берді. Толығырақ, әріптесім Аршат Әділжанқызы айтып береді.
Алғашқылардың бірі болып Аманат партиясының төрағасы Ерлан Қошанов Мәжіліс пен мәслихаттар сайлауында дауыс берді. Ол Астанадағы нөмірі 110-шы сайлау учаскесіне барды. Ерлан Қошанов халықтың саяси өмірге белсене араласқаны қуантады дейді.
ЕРЛАН ҚОШАНОВ, "AMANAT" партиясының төрағасы:
– Біз өзіміз осы үгіт-насихат жұмыстары аясында өңірлердің барлығын аралап келдік қой. Сонда да халықтың соншалықты белсенді бүгінгі саяси өмірге араласуға деген белсенділігі және де өзінің тағдырын өздері шешуге соған деген өздерінің құлшынысын біз байқадық осы барғанда.
Ал, «Байтақ» жасылдар партиясының төрағасы Азаматхан Әміртаев болса конституциялық құқығын пайдалану үшін елордада орналасқан нөмірі 52 сайлау учаскесіне барды. Ол сайлаудағы басты мәселе -халықтың кандидатқа деген сенімі дейді.
«Ауыл» партиясының төрағасы Әли Бектаев та Мәжіліс және жергілікті мәслихаттар сайлауында дауыс берді. Ол Астанадағы 113 сайлау учаскесіне отбасымен барды. Ауылдықтар мемлекеттің дамуы мен халықтың әл-әуқатын арттыру үшін бұл сайлаудың маңызы зор деген пікірде.
Жалпыұлттық социал-демократиялық партиясының төрағасы Асхат Рахымжанов та өз таңдауын жасады. Ол Елордадағы нөмірі 158-ші сайлау учаскесіне барды. Асхат Рахымжанов былтыр өткен референдумның нәтижесі елдегі саяси жүйенің өзгеруіне әсер етті деген пікірде.
АСХАТ РАХЫМЖАНОВ, Жалпыұлттық социал-демократиялық партиясының төрағасы:
– Өздеріңіз білетіндей, өткен жылы референдум өтті. Оның нәтижесінде сайлау жүйесіне және депутаттар корпусын қалыптастыру процесіне өзгерістер енгізілді. Бұл өз кезегінде еліміздегі саяси жүйенің өзгеруіне әсер етеді.
«Ақ жол» демократиялық партиясының төрағасы Азат Перуашев бас қаланың нөмірі 122-ші сайлау учаскесіне барып, өз таңдауын жасады. Ол егер қоғам мен мемлекет осы қарқынынан таймай, ашық диалогты жалғастыра берсе бұл қадам әділеттілікке бағытталған өзгерістердің басы болмақ дейді.
Ал, «Respublika» партиясының төрағасы Айдарбек Ходжаназаров Астанадағы нөмірі 393-ші сайлау учаскесіне барса, отбасы мүшелері Қостанай қаласында дауыс беріп жатыр екен. Партия төрағасы елдің болашағы мен тағдыры үшін дауыс бергенін айтады.
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал
