Që prej ditës së djeshme ka hyrë në fuqi vendimi i qeverisë për konfiskimin e ndërtimeve pa leje, ose atyre që kanë shkelur lejen e ndërtimit. Në lidhje me këtë, Gazment Bardhi në një deklaratë për mediat është shprehur se “ky ligj është i pabarabartë dhe nuk i trajton të gjithë njësoj”. Gjatë fjalës së tij, Bardhi është shprehur se me miratimin e këtij ligji, “Kryeministri Rama ka ktheyr paligjshmërinë në sistem”.
Gazment Bardhi: Nuk mund të shtohen më shumë se 2 për qind e sipërfaqes totale të ndërtimit. Ky është rasti tipik i korrupsionit që literatura e njeh si kapje e shtetit. Pas denoncimit të bërë, në seancën plenare, nuk ia zgjidhte dot më problemin të gradaçeleve pa leje në Tiranë sepse miratimi kërkon verifikim dhe nëse ndiqet procedura pas publikimit të këtyre pamjeve, rezultonte i provuar denoncimi i bërë që katet shtesë ishin shtuar.
Pas denoncimit, informova me shkrim Kryeministrin, Drejtorin e Përgjithshëm të Policisë së Shtetit, Ministrin e Brendshëm duke i kërkuar informacion dhe për masat që kishin marrë. Drejtori i Policisë së Shtetit dhe institucionet në kushtet e shpërdorimit të detyrës kanë refuzuar që të dërgojnë informacion zyrtar. Prokurori i Përgjithshëm më thotë se nuk kam dëgjuar gjë dhe nuk e ngre kokën që të shoh gradaçelat sepse nuk është puna ime. Prokurori nuk vepron dot pa lejen e Edi Ramës. Unë kam bërë një kallëzim të një vepre penale. Ministri i Brendshëm më ka kthyer përgjigje dhe më thotë: Më duhen më shumë të dhëna që ta identifikoj objektin sepse nuk e di ku ndodhet kjo gradaçelë në mes të Tiranës. Edhe ai bën sikur nuk dëgjon sepse nuk vepron dot lejen pa Edi Ramën.
Një përgjigje: Meqënëse nuk e ke gjetur dot, ngrihu nga karrigja e zyrës, ngrije kokën dhe e ke para syve të tu. Rama nuk kthen përgjigje. Përgjigjen e dha më 7 Shtator ku konfirmoi se milionerët gëzojnë statusin të paprekshëm dhe janë të ndryshëm nga 3 milionë shqiptarët e tjerë. Këtë akt, zyra e tij e propogandës e shiti si luftë kundër milionerëve.
Vendimi i qeverisë parashikon se kushdo që ndërton pa leje, duhet ta deklarojë. Ky akt është legalizim pa ligj, është amnisti pa ligj, është çertifikim i pabarazisë. Me këtë akt, Rama i ka dhënë lejen shtetërore çdo oligarku, mjafton të paguajë ca para më shumë. Kjo është nxitje që të vijojnë të ndërtojnë pa leje. Edi Rama me këtë veprim ka kthyer paligjshmërinë në sistem.
Rama i jep leje shtetërore oligarkëvë që të shtojnë kate sa të duhen dhe ku të duan. Ky vendim, çënimi më brutal që i bëhet shtetit ligjor. Edi Rama duhet të japë llogari pse nuk zbatohet ligji për milionerët e tij njësoj si për qytetarët./tvklan.al
SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web [ Ссылка ]
Follow Klan News on Facebook: [ Ссылка ]
Follow @klannews on Instagram: [ Ссылка ]
#KlanNews #KlanNewsLajme #TvKlan
