Մատթեոս 4 - Հիսուսը Կանչում է Չորս Ձկնորսների
Կարդաց` Էդգար Ալեքսանյանը
Երաժշտությունը` Էդգար Ալեքսանյանի
Հիսուսը կանչում է չորս ձկնորսների (Մր 1.16-20, Ղկ 5.1-11, Հհ 1.35-42)
18 Մինչ Հիսուսը շրջում էր Գալիլեայի լճի եզերքին, տեսավ երկու եղբայրների, որոնք ձկնորս էին. Սիմոնին, որ Պետրոս էր կոչվում, եւ նրա եղբորը՝ Անդրեասին։ Նրանք ուռկանը ջուրն էին գցում ձուկ որսալու համար։
19 Հիսուսն ասաց նրանց.
- Հետեւեցե՛ք ինձ, եւ ես ձեզ մարդու որսորդ կդարձնեմ։
20 Նրանք իսկույն թողեցին ուռկանները եւ գնացին Հիսուսի հետեւից։
21 Մի քիչ առաջ գնալով՝ Հիսուսն ուրիշ երկու եղբայրների էլ տեսավ՝ Զեբեդեոսի
որդիներին՝ Հակոբոսին եւ նրա եղբայր Հովհաննեսին, որոնք իրենց հոր՝ Զեբեդեոսի հետ նավակի մեջ էին եւ իրենց ուռկաններն էին կարգի բերում։ Հիսուսը նրանց էլ կանչեց։ 22 Նրանք իսկույն թողեցին նավակն ու իրենց հորը եւ գնացին Հիսուսի հետեւից։
𝐀𝐥𝐥 𝐑𝐢𝐠𝐡𝐭𝐬 𝐑𝐞𝐬𝐞𝐫𝐯𝐞𝐝.
© Duetro 2020 @DuetroProduction
![](https://s2.save4k.ru/pic/ybB3KVj0r1M/maxresdefault.jpg)