[ Ссылка ]
[ Ссылка ]
[ Ссылка ]
[ Ссылка ]
Kryeministri Edi Rama njoftoi këtë të martë se aksioni për të shkatërruar ndërtimet pa leje në bregdet do të nisë javën e ardhshme. Shefi i qeverisë, nga Shëngjini, u shpreh i prerë se nuk do të ketë tolerime. Thirrja e tij shkoi për ata që kanë kryer ndërtime pa leje që të nisin t’i prishin vetë. “Të gjithë ata që kanë zaptuar bregdetin duhet të lexojnë Kodin Penal, dhe të fillojnë t’i prishin vetë ato, pasi nga e hëna do të fillojë aksioni. Të gjithë do të ndalohen dhe do të penalizohen. Kjo është pasuria më e madhe që Zoti i ka dhënë këtij vendi. Ka ndodhur çfarë ka ndodhur, janë bërë çfarë janë bërë në të shkuarën, ne nuk mund të lejojmë që të “bubrrojë” përsëri, nën vështrimin indifirent përsëri ky lloj aktiviteti i paligjshëm. Është e pamundur, e patolerushme. SHÇBA do t’i shkojë deri në fund kësaj pune, por edhe punonjësit e policisë duhet të dinë se kanë përgjegjësi, njësoj si për luftën kundër krimit. Përfitoni nga këto ditë dhe hiqni ato që keni bërë, pasi jo vetëm do të shemben, por do të mbani edhe pasojat për ndërtimet pa leje. Kush nuk nuk e pastron vetë, do të paguajë edhe koston e pastrimit.”
![](https://i.ytimg.com/vi/yeFQpDSmt2E/maxresdefault.jpg)