TWITTER: @alimsllam
TELEGRAM: [ Ссылка ]
كل ما نسنس
من الغربي هبوب
حمّل النسمة سلام
وان لمحت سهيل
في عرض الجنوب
عانق رموز الغرام
لك حبيب ما نسى
كلمته دايم عسى
أطلب الله وأرتجيه
صبح يومي والمساء

كل زين أشهاده وانتم بعيد
منوتي ليتك معي
وإن سهرت الليل
أهوجس بك و أعيد
هل لأجلك مدمعي
وانت هاجس خاطري
وإنت فرحة ناظري
يا قريب ويا بعيد
فيك أمس وحاضري

نشوتك تلعب مع قطر المطر
وانتشى قطره معك 
والسحاب يطاردك بين الشجر
خالق الزين أبدعك
الندى في وجنتك
صار عطر بلمستك
والهوى غنى طرب
تستثيره بسمتك

كلمّا ضمّت عيوني منك طيف
يا بعد كل الطيوف
قلت ما مثلك على الدنيا وصيف
لا حشا مالك وصوف
لا سحاب ولا مطر
لا نسيم ولا زهر
لا طيور ولا زهر
ولا مع باقي البشر
 
كلمات: الأمير خالد الفيصل 
ألحان: فنان العرب محمد عبده

свернуть