Հայաստանը չի մասնակցելու սեպտեմբերի սկզբին Բելառուսում պլանավորված Հավաքական անվտանգության պայմանագրի կազմակերպության (ՀԱՊԿ) փրկարար ստորաբաժանումների հատուկ զորավարժություններին։ «Սկալա-2023» կոչվող այդ վարժանքում ռադիացիոն վթարի հետևանքները վերացնելու գործողություններ են կատարվելու։
«Հայաստանի մասնակցությունը «Սկալա-2023» զորավարժություններին նախատեսված չէ», - ռուսական «Ինտեֆաքս» լրատվական գործակալությանը պատասխանել են Հայաստանի ներքին գործերի նախարարությունից՝ որպես պատճառ նշելով նախարարության փրկարական ծառայությունների աշխատակիցների ծանրաբեռնվածությունը:
Այդ զորավարժությունները Բելառուսում անցկացվելու են սեպտեմբերի 1-6-ը։
ՀԱՊԿ-ի անդամ Հայաստանը վերջին երկու տարիների ընթացքում բազմիցս արտահայտել է իր դժգոհությունը ռազմաքաղաքական այդ դաշինքից, որի անդամը լինելով՝ որևէ աջակցություն չի ստացել Ադրբեջանի ագրեսիային դիմակայելու համար, անգամ երբ ադրբեջանական ուժերը ներխուժել են Հայաստանի ինքնիշխան տարածք։ Չնայած ՀԱՊԿ-ի պայմանագրի 4-րդ հոդվածի համաձայն՝ եթե անդամ պետություններից որևէ մեկը ենթարկվի ագրեսիայի որևէ պետության կողմից, ապա դա կհամարվի ագրեսիա պայմանագրի բոլոր մասնակիցների դեմ։ Անդամներից որևէ մեկի դեմ ագրեսիայի պարագայում մնացած մասնակից պետությունները կցուցաբերեն անհրաժեշտ օժանդակություն՝ ներառյալ ռազմական օգնություն։
Ազատություն TV-ին հետևեք նաև Ucom-ի 222, Rostelecom-ի 18 և TeamTV-ի 3-րդ ալիքներով
#ազատություն #լուրեր
🔶 Facebook – [ Ссылка ]
🔶 Youtube – [ Ссылка ]
🔶 Instagram – [ Ссылка ]
🔶 Twitter – [ Ссылка ]
🔶 Telegram – [ Ссылка ]
![](https://s2.save4k.ru/pic/ygx71TtbR7o/maxresdefault.jpg)