Երևանի կենտրոնում՝ Ալեքսանդր Սպենդիարյանի անվան Օպերայի և բալետի ազգային ակադեմիական թատրոնի բակում, բացվել է հայ մեծանուն դիրիժոր, կոմպոզիտոր Օհան Դուրյանի արձանը։ Պարտիտուրից ու դիրիժորական փայտիկներից հրաժարված դիրորժորը աշխարհի 100-ից ավելի նվագախմբեր ղեկավարում էր ձեռքերով։ Քանդակագործ Գետիկ Բաղդասարյանն ասում է՝ իր քանդակում Օհան Դուրյանը հենց այդպիսին է՝ խոսուն ձեռքերով ու երաժշտությանը սիրահարված աչքերով։
