REJECTION sa Gilas | PINALIWANAG ni Bobby Ray Parks Jr



Nilinaw ni Ray Parks Jr. ang tunay na dahilan ng kanyang Pagtanggi sa Gilas Pilipinas.

Nagpaliwanag si Bobby Ray Parks Jr. sa rason kung bakit hindi nito tinanggap ang imbitasyon sa kanya na maglaro para sa Gilas Pilipinas.

Nitong Huwebes nang sabihin ni Gilas head coach Yeng Guiao na tinanggihan ni Parks ang offer na maging bahagi ng national pool.

Sa isang tweet thread, nilinaw ni Parks na nirerespeto niya ang effort ng lahat ng mga players na nagtulong-tulong upang dalhin ang Pilipinas sa 2019 Fiba World Cup.

Aniya pa, hindi prayoridad ang dahilan kaya napiling hindi muna mapabilang sa pool. Nahihiya umano siya sa kanyang mother team na Blackwater at kailangan din umano siya nito dahil sa pagkawala ng kanilang import.

“I didn’t decline due to different priorities. Hiya oo, pero priority hindi,” saad ni Parks.

“Nahihiya din ako sa mga players na naglaro during the qualifiers and nagpakahirap to get our spot at the World Cup. Sino ba namang proud na Pinoy na hindi mahihiya kasi each player who played are deserving of a spot. Rinerespeto ko sila at yung pinaghirapan nila.”

Ayon pa sa No. 2 overall pick sa 2018 PBA Rookie Draft, nakatuon ang kanyang pokus ngayon sa Blackwater dahil sa nais nitong suklian ang mga sakripisyong ginawa ng kanyang team sa unang taon nito sa liga. Nakakahiya naman daw sa Blackwater kung mawawala agad siya sa kanilang team, lalong-lalo na ngayon na maganda ang simula nila ngayong season ng liga.

“First conference ko pa lang sa PBA at pinayagan na ako ng Blackwater tapusin ang ABL stint ko kaya sobrang thankful ako. Tapos ngayon na wala kaming import, tapos mawawala ako? Nahihiya lang din ako sa Blackwater,” ani Parks.

Mali din aniyang isipin na ayaw nitong ikatawan ang bansa sa mga kompetisyon. Ayon kay Parks, hindi niya inaayawan ang pagrepresenta sa bansa, patunay na ang paglalaro niya sa Alab Pilipinas ng ilang season bago sumalang sa PBA.

“Kaya nga ako naglaro sa Alab and went abroad carrying the Philippine flag anywhere and everywhere I go.”

Dahil nga hindi pa sigurado si Jayson Castro at hindi na rin kasali si Jordan Clarkson sa line-up ng Gilas Pilipinas, ay siguradong malaking problema ang hinaharap ngayon ng national team.

Inaasahang sasalang na sa Gilas Pilipinas practice sa Meralco Gym sa Pasig si Kiefer Ravena.

Ito’y dahil tapos na ang pinataw sa kanyang 18-month suspension matapos magpositibo sa banned substances.

Kinumpirma ni Gilas coach Yeng Guiao na magpapraktis sa national team si Ravena matapos ang laban ng NLEX kontra Ginebra sa Linggo.

Si Kiefer Ravena ang inaasahang papalit kay Jayson Castro, kung sakaling hindi na talaga makakapasok si Castro sa National team.

Nitong nakaraang qualifiers ay halos parehong sistema rin ang ginamit ni coach Yeng sa Gilas at NLEX, pero siguro sa pagkakataong ito ay iibahin niya ang sistema dahil World Cup na ang papasukin ng national team.

So huwag nating kalimutang ipagdasal at suportahan ang Gilas Pilipinas, tandaan natin na hindi lang sila lumalaban para sa kanilang mga sarili kundi para sa ating bansa at para sa ating mga Pinoy.







BACKGROUND MUSIC SOURCE: [ Ссылка ]




Tags:


bobby ray parks jr,REJECTION sa Gilas,PINALIWANAG ni Bobby Ray Parks Jr,REJECTION sa Gilas | PINALIWANAG ni Bobby Ray Parks Jr,bobby ray parks jr gilas pilipinas fiba world cup 2019,bobby ray parks jr umayaw sa gilas pilipinas,ray parks jr rejection to gilas pilipinas fiba world cup,bobby ray parks,kiefer ravena subtitute for jayson castro,noypi alliance,jayson castro out sa gilas pilipinas,fiba world cup 2019,fiba,blackwater,black water pala ang dahilan bobby ray parks

свернуть