#APATV #apagroup #apaxeber #apaxəbər #apatvxəbər #apaxeberler #xeberler #sonxeberler #gundemxeberler #xəbərlər #sonxəbərlər #xəbərlərbugün #xəbərlərdəbugün #gününxəbərləri #xəbərləryeni #sondeqiqe #gününəsasxəbərləri #sonxeberlerbugun2022 #canlıyayım #apacanlı #birbaşayayım #aparesmi


Ermənistanda radikal və revanşist müxalif partiyaların təşkil etdiyi aksiyalar davam edir. Rəsmilər aksiyaların daha da genişlənmək ehtimalının olduğunu deyirlər. İştirakçılar Türkiyə ilə yaxınlaşmanın əleyhinə olduqlarını bildirir, Azərbaycanla sülh müqaviləsinin imzalanmasına qarşı çıxır, Baş nazir Nikol Paşinyanın istefasını tələb edirlər.

Etirazlarçıların sayının artması Ermənistanda hakimiyyət dəyişikliyinin baş verib-verməyəcəyi ilə bağlı suallar yaradıb. Hətta Paşinyana sui-qəsd ediləcəyi barədə də söhbətlər dolaşır. Aksiya təşkilatçıları hakimiyyətə gələcəkləri təqdirdə, Azərbaycana qarşı növbəti dəfə ərazi iddiası ilə müharibəyə başlamaq niyyətində olduqlarını gizlətmirlər.

Məsələ ilə bağlı APA TV-yə açıqlama verən siyasi şərhçi Tural İsmayılov düşünür ki, baş verən proseslər Rusiyanın layihəsinin tərkib hissəsidir. Onun dediyinə görə, Kreml çalışır ki, Ermənistanın keçmiş rəhbərləri Sarkisyan, Koçaryan və Artur Vanetsyanın siyasi bloklarını aktivləşədirməklə Paşinyan hakimiyyətini təsir altında saxlasın: “Məsələ Ermənistan üzərində siyasi təzyiq elkementlərini daha da artırmaqdır. Nəzərə almaq lazımdır ki, Rusiya hazırda Ermənistanın daxilində əlavə təsir imkanlarını artırmağa çalışır. Paşinyanın Azərbaycanın 5 maddəlik sülh təklifinə pozitiv yanaşmasından, Brüsseldə Şarl Mişelin iştirakı ilə baş tutan üçtərəfli görüşdən sonra Ermənistanda aksiyalar başladı. Erməni baş nazir Moskvaya çağırıldı. Bundan sonra Ermənistanda aksiyalar və vətəndaş itaətsizliyi daha da gücləndi. Düşünürəm ki, bütün bunlar təsadüfi deyil”.

Siyasi şərhçi düşünür ki, Kreml bu niyyətinə nail ola bilməyəcək. Çünki ermənilərin böyük çoxluğu müxalifətin özəlliklə Rusiya tərəfindən idarə olunduğunun fərqindədir.

Siyasi şərhçi Turab Rzayev isə düşünür ki, İrəvandakı etiraz aksiyalarının həm daxili, həm də xarici səbəbləri var. Onun fikrincə, regional sülh və əmin-amanlığın olmasını istəməyən güclər, eləcə də onların daxildəki oyunçuları aksiyaları genişləndirəcəklər. Turab Rzayev Paşinyana qarşı sui-qəsd ehtimalının gücləndiyini də düşünür: “30 ildir ölkənin qanını içən, ölkənin bütün resurslarına əl qoyan, hələ də hüquq-mühafizə orqanlarında, orduda güclü şəkildə dəstəyi olan köhnə “Qarabağ klan”ı var. Yenidən hakimiyyətə gələrək revanş etmək istəyirlər. Paşinyanı devirib, hakimiyyətə gəlmək, Azərbaycandan intiqam almaq istəyirlər. Bu qüvvələr Rusiyaya bağlıdır və aksiyalara Köçəryan rəhbərlik edir. Onlar Paşinyanı xainlikdə, satqınlıqda ittiham edərək sülh prosesini yubatmağa çalışırlar. Hakimiyyəti əldə edərək Azərbaycanla yenidən münaqişə vəziyyətinə qayıtmağa çalışırlar. Bu həm həmin klana, həm də onların bağlı olduqları Rusiyaya lazımdır”.

Siyasi şərhçi onu da əlavə edib ki, hələlik mitinqdə iştirak edənlərin əksəriyyəti erməni şovinistləridir. Bu qrup Ermənistanın Azərbaycan və Türkiyə ilə istənilən əlaqəsinə qarşıdır. Geniş kütlə arasında isə Ermənistan-Azərbaycan, Erənistan-Türkiyə münasibətlərində yeni mərhələyə keçidlə bağlı tərəddüd edənlər var. Radikallar məhz bu tərəddüddən istifadə edərək etiraz aksiyalarının arealını daha da genişləndirməyə çalışırlar.


✅ Rəsmi saytımız: [ Ссылка ]
✅ Rəsmi facebook səhifəmiz: [ Ссылка ]
✅ Rəsmi instagram səhifəmiz: [ Ссылка ]
✅ Rəsmi twitter səhifəmiz: [ Ссылка ]
✅ Rəsmi teleqram səhifəmiz: [ Ссылка ]
✅ Rəsmi youtube kanalımız: [ Ссылка ]



Copyright © APA TV

Videolarda yazılan rəylərə görə kanal rəhbərliyi məsuliyyət daşımır.

REKLAM TEKLİFİ ÜÇÜN (Contact) info@apa.tv

свернуть