#oranews #edirama #ramamepensionistet #rritjaecmimeve #protestat #qeveria #jeleketeverdhe #france
"Të thuash sot poshtë komunizmi, do të thotë të fyesh të gjithë ata që kanë vuajtur realisht nga komunizmi."
Me argumentin e tregut të lirë kryeministri Edi Rama ka argumentuar para pensionistëve shkaqet se përse qeveria nuk do të ndikojë në çmimin e prodhimeve edhe pse pranon se ende ka të ardhurat më të ulëta.
"Thonë që kemi rrogat më të ulëta prandaj duhet ti kemi dhe çmimet e mallrave që vijnë nga importi më të ulëta. Por kjo nuk ndodh kështu sepse ne nuk do përmbysim historinë e 30 e kusur viteve." Edhe pse të shtunën numri i pjesëmarrësve në protestë ishte shumë i lartë, Kryeministri shprehet se në tubim për mbrojtjen e pensionistëve ishin njerëz me Iphone dhe X5-sa.
"Kush i paguan taksat e karburantit, pensionistët?"
Vendet e Ballkanit prej ditësh kanë ulur taksat dhe kanë marrë masa të tjera, por Kryeministri shton se vetëm në Shqipëri protestohet dhe këtë e cilëson turp.
"Si mund të jemi ne i vetmi vend që dilet e protestohet për pasojat e luftës mbi çmimet ku në asnjë vend tjetër ku efektet janë po njësoj dhe të gjithë janë të shqetësuar të dalin njerëzit për të protestuar. Këtu bëhet një protestë që mund ti pëlqejë Rusisë, kjo është një pjesë e strategjisë së asaj lufte që vendet që mbështesin Ukrainën të fillojë të ngrihet në protesta ekonomike dhe në protestat e tyre ekonomike të harrojnë se çfarë luhet atje".
Duket se dhe vetë Kryeministri është shqetësuar nga vala e protestave, teksa ka intensifikuar takimet në terren, duke theksuar se nëse hiqen taksat e karburantit do të rritet çmimi i energjisë.
"Jekët e verdhë dolën në Paris për shumë më pak sesa janë rritur çmimet sot të karburantit apo të mallrave të tjera në Francë, ku janë jelekët e verdhë?
Për më shumë lexoni në: [ Ссылка ]
Follow Televizionin Ora News
Website: www.oranews.tv
Youtube [ Ссылка ]
Facebook: [ Ссылка ]
Instagram [ Ссылка ]
Twitter [ Ссылка ]
