Lajme Arkiva - TV Klan 2004
Roland Canaj, efektiv policor i repartit 711, ka vrarë ish-bashkëshorten dhe vjehrrin dhe më pas ka qëlluar duke i dhënë fund edhe jetës së tij. Ish-bashkëshortët prindër të një fëmije 3 vjeç, sapo ishin kthyer nga gjykata ku pas divorcit ishte dhënë dhe vendimi për ndarjen e pasurisë dhe kujdestarinë e fëmijës në favor të nënës.
Pas vendimit gjyqësor, Miranda Grymishi, togere pranë Spitalit Ushtarak është kthyer në shtëpi së bashku me prindërit. Konflikti dhe grindja kanë arritur kulmin dhe me ndërhyrjen e prindërve të Mirandës. Burri ka qëlluar dhe vrarë ish-vjerrin Mustafa Grymishi, gruan, si dhe është plagosur nëna e saj Fatime Grymishi.
Disa punëtorë që ndërtonin në oborrin e banesës tregojnë se pasi dëgjuan të shtënat e pistoletës kanë parë burrin të dalë nga shtëpia për t’u futur në bodrum, ku dhe i ka dhënë dhe fund jetës. Nga kjo masakër ka shpëtuar vetëm fëmija 3-vjeçar, i cili luante në oborr. Konflikti për shtëpinë dhe fëmijën mes çiftit Canaj-Grymishi ka përfunduar kështu në vdekjen e tyre, duke i lënë djalit 3-vjeçar vetëm historinë tragjike se si mbeti jetim./tvklan.al
Gazetare: Aranita Brahaj
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
