Lajme arkiva 2005
Përfaqësuesja e shpresave ka fituar 3 me 1 ndaj moshatarëve të Kazakistanit duke u ngjitur në kuotën e 8 pikëve. Djemtë e Hasan Likës kanë zgjidhur gjithçka në 20 minutat e para të takimit. Muzaka do të hapte serinë e golave duke realizuar me 11-metërsh që në minutën e ‘11. Dyfishimi vjen 3 më vonë me anë të Kaçanit, në të ’19 trefishohet rezultati me anë të Veliajt. Miqtë do të shkurtonin diferencat në minutën e ‘24, me anë të Magdovolian. Në përfundim të takimit trajneri i ekipit të shpresave Hasan Lika do të deklaronte:
Hasan Lika: “Skuadra funksion si në mbrojtje, ashtu në organizim, ashtu edhe në pjesën sulmuese funksion e gjitha pra. Nuk mund të, në aspektin mbrojtës të merresh vetëm me mbrojtëset. Ne duhet të mbrojmë si skuadër dhe duhet të sulmojmë si skuadër. Gjithsesi unë mendoj se Ndreka zhvilloi një ndeshje shumë të mirë.”
Ndërkohë kombëtarja A ka zhvilluar stërvitjen e fundit përpara takimit Shqipëri-Kazakistan. Ndeshje që do të transmetohet drejtpërdrejt nga Satelit Plus. Në konferencën e zakonshme për shtyp përpara ndeshjes trajneri i kombëtares shqiptare Hans Peter Brigel ka bërë të ditur emrat që do të zbresin në fushë kundër Kazakistanit. Sipas trajnerit reparti i sulmit do të përbëhet nga dyshja Bushi-Bogdani. Brigel ka zgjidhur edhe dilemën e portës. Iljon Lika rikthehet titullar me kombëtaren. Mbrapa sulmuesve do të qëndroj Ervin Skela. Jupi, Lala, Cana dhe Murati do të përbëjnë mesfushën . Ndërsa repartit e mbrojtjes Brigel ia ka besuar, Beqirit, Hasit dhe Osmanit.
25 të përzgjedhurit e Sergei Timofejev janë stërvitur përreth 90 minuta në fushën e Qemal Stafës. Kazakistani vjen në Tiranë edhe për të shfrytëzuar mundësinë e fitimit të pikës të para në këto ndeshje kualifikuese. Ndonëse shanset e tyre janë të pakta. Për televizionin Klan, trajneri Timofejev ka deklaruar se skuadra e tij në këtë ditë debutimi limitohet thjeshtë me eksperiencën e krijuar në këto ndeshje ndërkombëtare, pavarësisht humbjeve.
Trajneri shton se ekip shqiptar është superior në këtë ndeshje, për faktin e thjeshtë se pjesa më e madhe luajnë jashtë. Ndërsa nga ana tjetër vetëm 3 lojtar të Kazakistanit militojnë jashtë kampionatit vendas. Sipas trajnerit Timofejev Kazakistani do të jetë e përqendruar në mbrojtje dhe do përpiqet të shfrytëzoj kundërsulmin në ndeshjen kundër Shqipërisë. /tvklan.al
Gazetari: Ervin Nikolla
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow rtvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
Ещё видео!