O'quv kunining boshida sinf rahbari o'z sinfining davomatini qayd etishi kerak. Buning uchun tizimda "Bir kunlik jurnal" sahifasi mavjud, unda sinf rahbar tanlangan kundagi barcha dars soatlari uchun davomatni qayd etib qo'yishi mumkin.
Davomatni belgilash quyidagicha amalga oshiriladi:
• O‘qituvchining boshlang‘ich sahifasida, sinf nomi ostidagi “Jurnallar” blokida “Bir kunlik jurnal” tugmasini bosing;
• Ochilgan jurnalning “DT” ustunida har bir fan nomi ko‘rsatilgan ustunda darsga qatnashmagan o'quvchi ism sharifi yoniga davomat belgilarini qo‘ying.
Tizimda qanday davomat belgilari mavjudligini ko'rish uchun sahifaning yuqori o'ng burchagidagi savol belgisi tugmansini bosing. E'tibor bering, baholar toifalarga bo'linadi: Uzrli sabablar, Sababsiz holatlarda va boshqa sabablar (kechga qolish). Qavslar ichidagi harflar sababga ko'ra o'quvchining darsda yo'qligini bildiradi.
Sinf rahbari barcha darslarga davomatni belgilab qo'ygandan so'ng, fan o'qituvchilari fan bo'yicha jurnalini ochib, kim yo'qligini darhol ko'rish imkoniyatiga ega. Bu dars boshida vaqtni behuda sarflashning oldini olishga yordam beradi, aksincha, o'qituvchi darhol dars mavzusini tushuntirishga kirishishi mumkin bo‘ladi.
